Hoofdtekst
Speulkoartn.
Nou zel ik joe wat woars verteln. Mooi is t nait. En t is gebeurd in ons aign huus. Was n keer n verpleegster, dei in aanroakn kwam mit zigeuners.
Op de ain of andere menaier het zai dat volk holpn. Ain beloning wol ze nait en toun zee n zigeunerin; “As dank zel ik joe wat leern, wat andern nait kennen.” Dat was den de toukomst zain in koartn.
De verpleegster konden wie loater. Op n dag zatn wie bie mekoar en toun kreegn wie et erover. Zai pakde de koartn en keek dr op. Toun zee ze: “Er gebeurt wat slims in joen femilie, dr komp n dode en dei wordt op de divan legd op dat stee in de koamer.” De persoon, dei t aangong zat dr ook bie, moar hom wol ze de koade nait legn; dei was te zwaart.
Wur wieder gain aandacht aan besteed.
Moar alles is uut komen.
t Was joarn loater. Er verdronk aine van de femilie. En juust de jonge man, dei zai toun de koade nait uut legd har.
En aigenoardig genog kreegn wie t geval mit de divan. Omdat de verpleegster dat nou ain keer zegd har, is de divan noar n andere houk van de koamer hen zet. Wie woln t veurkomen, dat alles uut kwam. En precies op de dag van dat ongeluk mos n buurvrouw deur omstandigheden bieons in huus helpn. En kiek, zai zet de divan op t stee, woor de dode op te lign kwam. Het stee, joarn eerder veurspeld. Toch wel gek he? Biegeleuvig bin k bepold nait, maor as ie toch zokke dingen zulf beleevn, den kom je in twiefel te stoan.
Trouwens, ik bin es n moal bie n wikwief west in ain van de Monden. Zai zee: “U trouwt met een zwarte vrouw, maar een blonde zal proberen u bij haar vandaan te krijgen. Verder krijgt u een brief over het water en eindelijk zult u ook nog geld krijgen.”
Verdraaid, ik kreeg verkering met een zwart meisje en schreef mie door gain blonde aingoal, dat dei ringe wel weer of kon?
n Braif over t woater heb ik ook had van n kameroad uut Indie.
En tenslotte is de aarfenis ook nog komen.
Nou zel ik joe wat woars verteln. Mooi is t nait. En t is gebeurd in ons aign huus. Was n keer n verpleegster, dei in aanroakn kwam mit zigeuners.
Op de ain of andere menaier het zai dat volk holpn. Ain beloning wol ze nait en toun zee n zigeunerin; “As dank zel ik joe wat leern, wat andern nait kennen.” Dat was den de toukomst zain in koartn.
De verpleegster konden wie loater. Op n dag zatn wie bie mekoar en toun kreegn wie et erover. Zai pakde de koartn en keek dr op. Toun zee ze: “Er gebeurt wat slims in joen femilie, dr komp n dode en dei wordt op de divan legd op dat stee in de koamer.” De persoon, dei t aangong zat dr ook bie, moar hom wol ze de koade nait legn; dei was te zwaart.
Wur wieder gain aandacht aan besteed.
Moar alles is uut komen.
t Was joarn loater. Er verdronk aine van de femilie. En juust de jonge man, dei zai toun de koade nait uut legd har.
En aigenoardig genog kreegn wie t geval mit de divan. Omdat de verpleegster dat nou ain keer zegd har, is de divan noar n andere houk van de koamer hen zet. Wie woln t veurkomen, dat alles uut kwam. En precies op de dag van dat ongeluk mos n buurvrouw deur omstandigheden bieons in huus helpn. En kiek, zai zet de divan op t stee, woor de dode op te lign kwam. Het stee, joarn eerder veurspeld. Toch wel gek he? Biegeleuvig bin k bepold nait, maor as ie toch zokke dingen zulf beleevn, den kom je in twiefel te stoan.
Trouwens, ik bin es n moal bie n wikwief west in ain van de Monden. Zai zee: “U trouwt met een zwarte vrouw, maar een blonde zal proberen u bij haar vandaan te krijgen. Verder krijgt u een brief over het water en eindelijk zult u ook nog geld krijgen.”
Verdraaid, ik kreeg verkering met een zwart meisje en schreef mie door gain blonde aingoal, dat dei ringe wel weer of kon?
n Braif over t woater heb ik ook had van n kameroad uut Indie.
En tenslotte is de aarfenis ook nog komen.
Beschrijving
Voorbeelden van voorspellen toekomst door kaartlegsters.
Bron
Collectie Wever, verslag 158, verhaal 5 (Archief Meertens Instituut)
Naam Overig in Tekst
Indië 
Indië 
Naam Locatie in Tekst
Monden
Monden
Datum Invoer
2013-03-01 14:46:21