Hoofdtekst
Een exempel. Het was een mensche die was zeer onverduldich, ende sprac tot onzen lieven here, waer om dat hi hem so zeer plaghede. Doe quam sijn enghel tot hem ende sprac: „Ghi zijt zeer onverduldich om u ziecte. Nu zuldi kiesen of ghi liever twe iaer ziec wilt wesen, dan twe daghe in dat veghevuer bernen". Doe coes hi dat veghevuer. Sine ziel wert tehant ghevoert in dat veghevuer. Daer na over een cleyn wijl quam die enghel weder tot hem, ende sprac: „Hoe gaetet mit u?" Doe sprac die man: ,,Wie sijt ghi ?" Hi sprac: ,,Ic bint die u hier voerde". Doe sprac hi weder: „Ghi en sijt gheen enghel, mer ghi moeghet wel die duvel wesen. Die enghelen en pleghen niet te lieghen, mer ghi hebt gheloghen. Ic en soude hier niet langher wesen dan twe daghe, seit ghi mi, ende ic hebbe hier gheweest mennich iaer". Doe scout hem die enghel om sine onverduldicheit ende brocht hem weder in sinen lichaem. Doe sprac die ghene: ,,Ic woude liever ziec wesen totten ionxten daghe toe, dan enen dach inden veghevuer bernende".
Beschrijving
Een zieke man is zeer ongeduldig en vraagt de Heer waarom hij hem zo straft. Dan komt er een engel tot hem die hem de keus stelt tussen twee jaar ziekte of twee dagen in het vagevuur. De man kiest hierop voor het vagevuur en zijn ziel wordt daar vervolgens meteen heen gebracht. Na een tijdje komt de engel weer bij de man en vraagt hem hoe het gaat. De man bedenkt zich dat de engel geen echte engel is, maar de duivel. De man zit naar zijn idee namelijk al langer dan twee dagen in het vagevuur. De engel geeft de schuld aan zijn ongeduldigheid en brengt hem weer terug in zijn eigen lichaam. De man realiseert zich dat hij liever ziek is dan een dag in het vagevuur door te moeten brengen.
Bron
De Vooys, C.G.N., Middelnederlandse stichtelijke exempelen, Zwolle 1953, pagina 27
Datum Invoer
2013-03-01 14:46:20