DEVOOYS051

Exempel. Alsoe men leest een exempel dat scrijft meester iacob van vitriarco, ende scrijft dat een man was diet woert gods niet horen en wilde, ende wanneer datmen dat woert gods predicte, soe ghinc hi altoes wech. Het quam dat dese man starf ende sinen lichaem waert ghebrocht in die kercke, om datmen over hem dienst soude doen. Daer sagen die lieden dat dat crucifix dat in die kerke stont sine hande ontloste vanden cruce ende stoppede beide sijn oren metten tween handen. Doe seide die priester toten volcke: „Ghi mocht nu openbaerlijc sien dat god niet en wille horen die bede die wij over hem doen, want hi noyt en wilde horen dat woert gods. Ende daer omme en wille ons god niet horen voer hem". Ende dit was een teeken dat hi verdoemt was. Ende daer omme laet ons gherne dat woert gods horen, want dat brinct den mensche soe vele salichede in, beide int leven ende in die doot.

Er was een man die altijd vertrok als het woord van God werd verkondigd. Toen de man overleed en in de kerk een dienst werd gehouden kwamen de handen van Jezus los van het kruis. Hij stopte beide handen tegen de oren omdat hij niet wilde horen dat er voor de man werd gebeden. Hiermee liet God zien dat de man verdoemt was.

De Vooys, C.G.N., Middelnederlandse stichtelijke exempelen, Zwolle 1953, pagina 35-36

Jacob van Vitriarco    Jacob van Vitriarco   

Gods    Gods   

Jezus    Jezus   

2013-03-01 14:46:20