Hoofdtekst
Exempel. Het was eens een gheestelic man, die van goeden levene was. Hij was up eenen tijt ghetrocken in een visioen. Ende een inghel was met hem. Hem wart vertoecht de pine der hellen. Onder alle dese pinen die hij daer sach, so sach hij inden gront vander hellen ligghen eenen lichame van eenen dooden man, also hem dochte. Ende huut dien man was ghegroyt eenen onseggheliken groeten boem. Ende dien boem hadde veel tacken ende an die tacken hinghen veel menschen, beede mannen ende vrauwen. Ende huut dien dooden lichame quam dickent een groete vlamme van viere, ende scoet al dien boem up, in alle die menschen die daer an hinghen. Ende sij verbernden te mael seere, ende sij scrauwen ende creeschen te mael vreeselickc zeere. De inghel diene daer gheleedt hadde, seide: „Dit es een woukerare gheweest, die hier onder leegt, daer de boem huut ghespruut es. Ende alle de ghene die anden boem hanghen, dat sijn de ghene die hem hebben helpen tquade goet winnen, ende hebbent helpen verteeren. Ende diet namaels beseten hebben wetende, ende daer in ghestorven sijn, ende diet noch besitten wetende, ende daer in steerven, restoer niet voeren doende, sij sullen oec alle an desen boem hanghende sijn, als sij doot sijn.
Beschrijving
Een geestelijke man kreeg een visioen. Samen met een engel gingen ze naar de hel om daar de pijn van te voelen. Op de grond van de hel lag het lichaam van een man waaruit een grote boom groeide. Aan de takken van die boom hingen veel mensen waaruit vlammen van vuur kwamen. De man was een woekeraar geweest en de mensen die aan de takken hangen zijn degene die hem hebben geholpen om het kwaad voor zich te winnen.
Bron
De Vooys, C.G.N., Middelnederlandse stichtelijke exempelen, Zwolle 1953, pagina 49
Commentaar
1463
Woekeraar is iemand die onder andere profiteert van een ander.
Datum Invoer
2013-03-01 14:46:20