LAAN007 - De Spinbaarg

De Spinbaarg

Bie Jipsenhoezen lag tot veur kòrde joaren 'n hoogte. Dat was de Spinbaarg, omdat 't Spinwief der in woonde. Over dag kreeg ie heur nooit te zain, mor 's oavends kwam ze der oet. As 't nait aal te danker was, en ook nait aal te Iicht, konje heur der boven op zitten zain mit heur spinwail. Ze zat mor aal te spinnen, hail laange droaden, doar vong ze jongkeerls in.
Mor veul het ze wis nooit kregen; 't was 'n iezelk roege streek, kompleet 'n wildernis, vol stroeken en stervèllen, hoasneuten, kwitsekralen, kamperfoelie, brommels, mit overaal adderroet der tussen, keerlshögte. Zodat ie kinnen wel begriepen, dat doar nooit veul vòlk luip, en benoam bie nacht en ontied nait.

In de oorlòg mit de bisschop van Munster haar de vijand 'n schildwacht oetzet boven op de Spinbaarg. Dij het ook nait waiten, woardat e ston! Mor 't òl Wief het zok verveerd, en bleef stil binnen.
Zo ston e doar allain, midden in de nacht. Dou kwam Berend Pròt ter aan, dat was de Kommandeur van Boertange, 'n eerste vechtersboas, dij naarns, naarns veur ston. Hai trok 't goud van 'n boerenkerel aan, en luip driest noa de schildwacht tou. Rusteg nam e zien tonderpòt, zien vuurslag en zien vuurstain, en stook zok piep aan. Dou langde hai de Munsterman de tebaksdeus tou. Mit dat dij de braand ter in steken wil, nemt Wild Pròt zien schaarp, groot mes tou zien stevel oet. Zunder geluud sakt de schildwacht in nkander.
't Leger van de bisschop lag 'n ìndje wieder. Ons volk der noa tou; van de Munsterlanders bleef gain staarveling over. Aanderdoags hebben ze aal dij sòldoaten bie 't Ol Daip in ain groot gat begroaven. Dat hait doar nòg aaltied 't Bisschopskerkhòf.

De ainegste dij 't ontkomen is, dat was de schatmeester, dij mit zien zakken vol geld ketaaier haar in 'n boerenhoes, dicht ter bie. Nait zo gaauw as e vernam wat ter goande was, het e zien zakken vol geld opgrepen, en ze in 'n daibe put smeten. Hai zol ze wel weer hoalen. Mor doar is nooit wat van komen.
Ie huiven nait te zuiken; de boer het de schat ter 'n zetje loater tou oet hoald, en aal zien noazoaten binnen der nou nòg riek van.

In onze tieden, nou ze van Westerwòlle ook laand moaken, is de Spinbaarg òfgroaven. Van 't Spinwief is niks vonden; dij het zeker moakt dat ze op tied votkomen is.
Moar de schildwacht, dij is vonden. Zien kòp lag ter flòg lös noast. Dij kwam dou te laande bie 'n boer der dicht bie; dij het hom bruukt as nap in 'tzoepenvat.

Op de Spinberg woonde het Spinwief. Zij spon lange draden om jonge kerels in te vangen. In de oorlog zette de bisschop van Munster een schildwacht op de Spinberg. Berend Prot heeft de schildwacht daar met een mes onthoofd. Hierna kon het volk het leger van de bisschop uitroeien.
De schatmeester is de enige die het overleefd heeft. Hij verstopte zijn geld in een put. De boer heeft de schat eruit gehaald en zijn familie is er nog rijk van.
Het Spinwijf heeft het overleefd. Het hoofd van de schildwachter is later van de berg afgerold.

Laan, K. ter. Groninger overleveringen. Zutphen, 1930. p. 29

1930

Jipsenhoezen    Jipsenhoezen   

Spinberg    Spinberg   

Spinbaarg    Spinbaarg   

Spinwief    Spinwief   

bisschop van Munster    bisschop van Munster   

Berend    Berend   

Prot    Prot   

Kommandeur van    Kommandeur van   

Munsterman    Munsterman   

Wild-Prot    Wild-Prot   

Pròt    Pròt   

Munsterlander    Munsterlander   

Munsterlanders    Munsterlanders   

Westerwolle    Westerwolle   

Ol Daip    Ol Daip   

Bisschopskerkhof.    Bisschopskerkhof.   

Jipsenhuizen    Jipsenhuizen   

Munster    Munster   

Boertange    Boertange   

2013-03-01 14:46:20