Hoofdtekst
Gommelbörg
Gommelbörg is nou 'n boerenploats aan grintweg van Faarmsom noa Midhoezen, mor in vrouger tieden ston doar 'n staarke borg. Dat is al hail laank leden en gain mensk is ter, dei joe vertellen kin, wat veur oadelke femilie doar vrouger woond het.
Nait wied doarvandoan woonde 'n aarme keuterboer. Hai haar 'n dòchter as 'n doalioa, 'n mooi wicht en ze ston ter ook veur, as 't ter op aankwam. Zai het zok besteed op Gommelbuorg. Doar moggen ze heur al gaauw zo geern lieden, en ze vertraauwden heur ook zó, dat ze haile boudel aan heur overluiten, as ze op raais gongen. 't Was dou aanders mor 'n treurege tied. Altied oorlog en ielìnde. As ze 't aits lappen konden, vernailden ze kanners börg. Zo het 't wicht den ook ais weer allennig oppaast, en dat vernam 'n börgheer, dei de Heer van Gommelbörg vijandelk gezind was. Dat was nou nòg ais 'n mooie gelegenhaid om Gommelbörg te overrompeln. Mor hou zollen ze dat kloarspeulen? 't Was zoo'n staark òld hoes en 't lag haildal in 't woater. Roamen wazzen ook zo hoog en smaal, mit 'n aanval zollen ze misschain gain gelok hemmen. As ze ais ain noa binnen smokkelden? Dij kon heur din de poort opendoun. Mit zoo'n maaid allennig zollen ze 't wel kloar speulen. De grode kunst was nou mor om noa binnen te komen; maaid luit gain vremd volk binnen deur.
In schemerduuster komt ain aan de poort kloppen, dij aankled is as 'n oadelke doame. Maaid dut deur open en vragt wat òf ze wil. Ze zegt dat ze familie is van de ridder dij doar woont, en dat ze de femilie ais opzuiken wil. Mor de femilie is op raais. Dat muit heur, mor zai wil tòch geern binnen komen, om wat te eten en oet te rusten.
Maaid vernemt opslag onroad, mor zai is nait ain van de allerdomsten. Hail beleefd en onderdoaneg laaidt zai de gast noa binnen en vragt, wat of zai gebruken wil. Zunner woord zunner wies hoalt ze opslag 'n grode beker van de allerbeste en swoarste rode wien. Onnerwiel binnen heur gedachten aal mor bezeg mit wat ze doun zel, as zai overrompeld wòrdt. Dat is gain vraauw, mor 'n man in vraauwluklaaier. Zai is vaast besloten, om 't goud van heur heer tot 't uterste tou te verdedegen.
Din zegt ze tegen heur gast, dat ze noa 't bakhoes gaait, om 'n flunk oavendmoal klaar te moaken. Zai hoalt alle pòtten, pannen, oakers en ketels bie nkanner en dut ter vet, eulie, troan òf woater in. Op 't grode vuur moakt ze ales in kook. As ze doarmit aan 't waark is, heurt ze 'n zaacht gepolter in 't woater van de gracht en ook bie de poort rinkelt ter wat. Ain ogenblik trilt ze van benaauwdhaid, mor din gaait ze noa binnen, nemt 'n dòlk en stòpt hom tussen heur klaaier. Ze schìnkt heur gast nòg 'n beker wien in en blift in 't zoal. As dij de leste teug doan het, gript ze de dòlk en snidt hom rits de keel deur.
Op kloespòtten stoan overal pannen en ketels mit kokend vet kloar. Tegen middernacht wòrden de rovers 't wachten zat. Zachtjes kroepen ze bie de muren omhoog, mor wòrden ontvangen deur kokende eulie en vet en woater. Verbraand, jammernd van pien valen de klimmers achterover in gracht.
Sunt dei tied spoukt 's nachts dei dode ridder doar op Gommelbörg.
(Uit de verzameling van Mevr. Huizenga-Onnekes.)
Gommelbörg is nou 'n boerenploats aan grintweg van Faarmsom noa Midhoezen, mor in vrouger tieden ston doar 'n staarke borg. Dat is al hail laank leden en gain mensk is ter, dei joe vertellen kin, wat veur oadelke femilie doar vrouger woond het.
Nait wied doarvandoan woonde 'n aarme keuterboer. Hai haar 'n dòchter as 'n doalioa, 'n mooi wicht en ze ston ter ook veur, as 't ter op aankwam. Zai het zok besteed op Gommelbuorg. Doar moggen ze heur al gaauw zo geern lieden, en ze vertraauwden heur ook zó, dat ze haile boudel aan heur overluiten, as ze op raais gongen. 't Was dou aanders mor 'n treurege tied. Altied oorlog en ielìnde. As ze 't aits lappen konden, vernailden ze kanners börg. Zo het 't wicht den ook ais weer allennig oppaast, en dat vernam 'n börgheer, dei de Heer van Gommelbörg vijandelk gezind was. Dat was nou nòg ais 'n mooie gelegenhaid om Gommelbörg te overrompeln. Mor hou zollen ze dat kloarspeulen? 't Was zoo'n staark òld hoes en 't lag haildal in 't woater. Roamen wazzen ook zo hoog en smaal, mit 'n aanval zollen ze misschain gain gelok hemmen. As ze ais ain noa binnen smokkelden? Dij kon heur din de poort opendoun. Mit zoo'n maaid allennig zollen ze 't wel kloar speulen. De grode kunst was nou mor om noa binnen te komen; maaid luit gain vremd volk binnen deur.
In schemerduuster komt ain aan de poort kloppen, dij aankled is as 'n oadelke doame. Maaid dut deur open en vragt wat òf ze wil. Ze zegt dat ze familie is van de ridder dij doar woont, en dat ze de femilie ais opzuiken wil. Mor de femilie is op raais. Dat muit heur, mor zai wil tòch geern binnen komen, om wat te eten en oet te rusten.
Maaid vernemt opslag onroad, mor zai is nait ain van de allerdomsten. Hail beleefd en onderdoaneg laaidt zai de gast noa binnen en vragt, wat of zai gebruken wil. Zunner woord zunner wies hoalt ze opslag 'n grode beker van de allerbeste en swoarste rode wien. Onnerwiel binnen heur gedachten aal mor bezeg mit wat ze doun zel, as zai overrompeld wòrdt. Dat is gain vraauw, mor 'n man in vraauwluklaaier. Zai is vaast besloten, om 't goud van heur heer tot 't uterste tou te verdedegen.
Din zegt ze tegen heur gast, dat ze noa 't bakhoes gaait, om 'n flunk oavendmoal klaar te moaken. Zai hoalt alle pòtten, pannen, oakers en ketels bie nkanner en dut ter vet, eulie, troan òf woater in. Op 't grode vuur moakt ze ales in kook. As ze doarmit aan 't waark is, heurt ze 'n zaacht gepolter in 't woater van de gracht en ook bie de poort rinkelt ter wat. Ain ogenblik trilt ze van benaauwdhaid, mor din gaait ze noa binnen, nemt 'n dòlk en stòpt hom tussen heur klaaier. Ze schìnkt heur gast nòg 'n beker wien in en blift in 't zoal. As dij de leste teug doan het, gript ze de dòlk en snidt hom rits de keel deur.
Op kloespòtten stoan overal pannen en ketels mit kokend vet kloar. Tegen middernacht wòrden de rovers 't wachten zat. Zachtjes kroepen ze bie de muren omhoog, mor wòrden ontvangen deur kokende eulie en vet en woater. Verbraand, jammernd van pien valen de klimmers achterover in gracht.
Sunt dei tied spoukt 's nachts dei dode ridder doar op Gommelbörg.
(Uit de verzameling van Mevr. Huizenga-Onnekes.)
Onderwerp
AT 0956B - The Clever Maiden Alone at Home Kills the Robbers
AT 0956B - The Clever Maiden Alone at Home Kills the Robbers 
ATU 0956B - The Clever Maiden Alone at Home Kills the Robbers.
ATU 0956B - The Clever Maiden Alone at Home Kills the Robbers.
Beschrijving
In Gommelbörg stond vroeger een kasteel. Als de Heer van Gommelbörg op vakantie ging, liet hij altijd een arme boerenmeid op het kasteel passen. Terwijl het meisje op het kasteel paste, kwam een oude vrouw aan de deur. Zij vroeg of ze even binnen mocht uitrusten. Het meisje rook meteen onraad, maar liet de oude vrouw binnen. Ze stak even later de man verkleed als vrouw dood met een dolk. Buiten zaten rovers verstopt in de gracht en bij de poort. Toen deze rovers tegen de muur omhoog klommen, gooide het meisje kokend olie en vet uit het raam. Sindsdien spookt er de dode ridder in Gommelbörg.
Bron
Laan, K. ter. Groninger overleveringen. Zutphen, 1930. p. 157
Commentaar
1930
The Clever Maiden Alone at Home Kills the Robbers
Naam Overig in Tekst
Gommelbörg
Gommelbörg
Huizinga-Onnekes.
Huizinga-Onnekes.
Datum Invoer
2013-03-01 14:46:20