WEV005001

't Grootste dail van mien levend heb ik touhollen in Ter-Hoar bie T.roapel. En inderdoad was doar wol es spokerij en hekserij. Dou ik jonk was, was 't maist haide. De oln zeden den voak:"Doar deugt het nait." Den wozzen ze gevoarleke stee'n, woar aine wat zain of heurd har.
Nou mout ik joe vertellen dat ik nait biegeleuvig bin. Doarom heb 'k nooit veul onthollen van spookverhoalen. As kind war 'k wel ais doodsbenauwd. Ik herinner mie nog 'n veurval uut Ter Hoar.
Ik was mit mien bruier noar 'n oale man west. 't Was op 'n oavend. Wie gungen in duustern weer vot. Dou inains ston d'r wat veur ons. 't Was zwaart en beslist gain kou. 't Har ogen zo groot as schöddeltjes. D'oal man, woar wie vot kwamen, har ons baange moakt deur gekke vertelsels over spoken. Wie begunnen den ook hiel haard te bulken:"Jans, Jans, kom es!"
Nou, oal Jans heurde ons roupen en kwam d'r gau aanlopen. En nog veur, dat 'e bie ons was, was 't ding mit de glende ogen verdwenen. Niks meer te zain. Wie binnen noar huus gaan en vertelden 't doar ook.
Mien voader gung dou nog es kieken, moar zag niks meer. Wat dot dou west is, ik wait 't nait.
Wazzen dou wel verschaiden mensken, dei den mainden, dat de duvel d'r luip. Mien voar wol doar nait aan geleuven. 
Moar d'r woonde 'n oal Haarm J. op Ter-Hoar dei zuks wel leufde. Hai vertelde es 'n moal:
"Ik kwam van Sell'ng noar Ter Hoar 't Was tweidonker. Dicht bie de meuln zag 'k soort kalf lopen mit 'n kedde aan de achterpoot. Ik dochde, dat is zeker 'n kolf van boer P., dei lösbroken is. Moar 't daier luip aal mor mit mie mit. Deur 't veld, 'n ende van mie of. Net zo laank, tot 'e bie de weg kwam en doar bleef 'e veur mie stoan. 'k Was benaud. 't Was recht gain kalf. Ik wör zo baange, da'k gau 'n poar regels van 'n psaolmversie op zee. En - vot was 't ding in ains, niks meer te zain".

SINSAG 0333 - Spuktier erschreckt Wanderer (und begleitet ihn).    SINSAG 0333 - Spuktier erschreckt Wanderer (und begleitet ihn).   

SINSAG 0945 - Andere Begegnungen mit dem Teufel.    SINSAG 0945 - Andere Begegnungen mit dem Teufel.   

Mannen die bang gemaakt zijn met verhalen over spoken ontmoeten onderweg iets zwarts met gloeiende ogen dat ook weer snel verdwijnt. Man meent de duivel in de gedaante van een dier te hebben ontmoet. Na opzeggen van psalmversje verdwijnt het dier.

Collectie Wever, verslag 50, verhaal 1 (Archief Meertens Instituut)

Jans    Jans   

Haarm J.    Haarm J.   

Harm J.    Harm J.   

Ter-Hoar    Ter-Hoar   

Ter Haar    Ter Haar   

Troapel    Troapel   

Ter Apel    Ter Apel   

Sell'ng    Sell'ng   

Sellingen    Sellingen   

Ter Haar    Ter Haar   

G037q    G037q   

G037p    G037p   

G015p    G015p   

2013-03-01 14:46:21