WEV005201

Ik zel joe vertellen uut de veenstreek. 
Hör mor: Toun 't veen in de Monden aansneden wör, wazzen de arbaiders doodaarm.
D'r wör waarkt van drei uur 's mörns tot aan 't duustern tou. De vrou kwam 't kerel loater noa. De kinder in de koare (=kruiwagen). En de sikke d'r aan. Mor 'n enkele kon lezen en schrieven. 'k Kan joe doar nog 'n mooi staaltje van verteln. Aal wat d'r nait was, dainst beston wel. Jonges mozzen wel seldoat worden. Nou warren d'r hier in de Tweide Mond mensen, dei 'n hond hadden. Dei hond haitte Sieto. Van dei mensen moz ain van de jonges in dainst. Hai schreef ook es 'n braif. Doar ston den in:“Ziet u moeder, het gaat goed. Ziet u vader, gaat het met u goed? Ziet u, sieto enzovoort.”

Mor 't olske luip doadelk noar 'n buurvrou en kluig:“Wat is 't 'n boudel, nou mout ons Sieto ook al in dainst.” 't Ol har niks van de braif begrepen.

Nou ga 'k weer wieder over 't veen.
't Was dus altied waarken en altied duuster.

's Winters warren d'r de proatoavends. Den kwamen d' lu bie mekoar en d' aine woz nog meer den d' ander. Elk har wel ais wat zain of heurd, wat nait deugde. En zo komt biegeleuf in wereld. As kind leufde ik ook aan spoken en heksen. Want mien ol mens geleufde d'r slim aan. Luster moar.

'k Was 'n jong van 'n joar of vare. (= 4.)

Wie woonden in de Eerste Mond. Luip voak 'n ol wiefke langs de stroade. Dei har noam van hekse. Mien ol mens mainde dat ook warkeluk. As den dei olle vrou d'r aan kwam, dee ze deure op slot.

“Stil kinder”, zee ze, “doar komt ze aon. Blief in huus. As ze joe 'n appel gef, ken dei appel moar zo in 'n porre (= pad) verandern, of in 'n kikker.” “As ze bie 'n waige van 'n kind komt, ken ze 't kind beheksen.”

Wie kropen wel es noar boeten en loerden op vailige afstand noar d' hekse. Inwendig net zo baange. Nou achternoa ken mie 't nog van 't vrougie begroten. Mor ja, oln en kinder binnen net as klok en kukens. As klok baange is en koakelt, binnen kukens ook benauwd.
Wie wazzen de kukens en ons olske was 't klok.

SINSAG 0586 - Von Hexe empfangene Äpfel verwandeln sich in Kröten    SINSAG 0586 - Von Hexe empfangene Äpfel verwandeln sich in Kröten   

Leefomstandigheden in de veenstreek; vertelavonden met onder meer spoken en heksen.
Anecdote over vrouw die meent dat ook de hond soldaat moet worden.
Vrouw doet deur op slot en de kinderen moeten binnen blijven als ze vermeende heks ziet. Waarschuwing dat een appel van de heks in een pad of kikker kan veranderen, en als ze bij een wieg komt kan ze het kind betoveren.

Collectie Wever, verslag 52, verhaal 1 (Archief Meertens Instituut)

Monden    Monden   

Sieto    Sieto   

Eerste Exloërmond    Eerste Exloërmond   

Eerste Mond    Eerste Mond   

Tweede Exloërmond    Tweede Exloërmond   

Tweide Mond    Tweide Mond   

Tweede Mond    Tweede Mond   

Eerste Exloërmond    Eerste Exloërmond   

Tweede Exloërmond    Tweede Exloërmond   

G033a    G033a   

G013a    G013a   

2013-03-01 14:46:21