WEV005202

'k Had ook 'n oom, dei altied over spoken vertelde en d'r zölf aan leufde. Wie wazzen d'r voak. As 't den tied was van vot goan, was d' aine nog benauwder den d' ander. Wie wazzen mit vaar jonges. As wie deure uut gungen, moz d' ol heer nog even pizzen. Mor den bleef 'e in 't gankje stoan en pisde 'e op 't stroatje. Den gau deure dicht en grundel d'r op. Wie bleven den zo veul meugelk bie mekoar en as elk noar zien eigen huus moz, zeden wie hail zachies “goei-oavend” en luipen den as hoazen op huus af.
Mien oom luip es bie oavend bie de weg. Toun zag 'e wat stoan. 't Was mor'n rusketoppe. Mor hai zee: “Ik zel die spook 40”, en toun sluig 'e stief mit de schuppe d'r op.

Spook 40 zat hom nog al hoog.
Hai woz ook te verteln over 'n hekse op Muzzelknoal. Doar was 'n kerel, dei mit 'n hekse trouwd was. 't Wief kon mor zo over 't woater lopen. De man was wel al woarschouwd, moar hai wol d'r niks van waiten.

Tot op 'n nacht.

Den wordt 'e wakker. Hai grip om zuch tou. 't Hail wief is vot.

Hai gait van 't berre of en ropt heur. Mor ze is naarns te zain. As 'e noar gaange wil, is deure dichte. Hai dut deure lös en den zug 'e in de gaange 'n zwaarde kadde lopen.

“Wat moust doe hier?” zegt 'e en geft 't daier 'n schop. En den gait 'e weer op berre.
d'Ander dag mörn is 't wief d'r weer. Zai lopt deur 't huus mit 'n dikke boele aan de kop.

“Wat scheelt die?” vragt 'e.

“Och,” zegt 't ol, “ik bin op kop vaaln.”

“Lokst”, ropt 'e den, “bist 'n hekse, en nou gau d'r uut!”

En toun hef hai heur deur uutschopt.

As ik mien oom den wat ongeleuvig aan keek, zee 'e:
“Leufst dat nait, H. jong?
't Is woar gebeurd.
Ik zel die 't nog staarker verteln.”
Mien bruier har 'n kameroad, dei veur tied 'n Duutse vrund had har. Dei Duutsker was sneuveld in 70/71. Nou lopt mien bruier 'n keer mit zien kameroad in Berlien.
Zai lopen 'n bakkerskarre veurbie mit 'n widde schimmel d'r veur. Zai binnen karre net veurbie, den begunt 't peerd te frensken (= hinniken) en zèg:“Goiedag.” 

Verboasd blieven ze stoan.

“Joa,” zèg 't peerd, “ik zai wel, wel 't is.”
“Kenst doe proaten?” vroagen ze.

“Ja,” zègt 't peerd, “ik bin seldoat west. En ik zag doadelk, da's doe 't wast. En nou bin 'k peerd worden.” 't Was de gesneuvelde seldoat.

Mien oompie leufde zukke dingen.

SINSAG 0478 - Andere Erlebnisse; unbeschreibbare Spukerscheinungen.    SINSAG 0478 - Andere Erlebnisse; unbeschreibbare Spukerscheinungen.   

SINSAG 0433 - Im Kampf Getöteter als Wiedergänger.    SINSAG 0433 - Im Kampf Getöteter als Wiedergänger.   

SINSAG 0545 - Hexe geht über das Wasser    SINSAG 0545 - Hexe geht über das Wasser   

SINSAG 0640 - Hexentier verwundet: Frau zeigt am folgenden Tag Malzeichen.    SINSAG 0640 - Hexentier verwundet: Frau zeigt am folgenden Tag Malzeichen.   

Na het vertellen van verhalen over spoken zijn jongens zo bang dat ze bij elkaar blijven bij het naar huis gaan. Na schoppen van zwarte kat is vrouw gewond; gesneuvelde soldaat is teruggekomen als paard.

Collectie Wever, verslag 52, verhaal 2 (Archief Meertens Instituut)

Duutse    Duutse   

Duitse    Duitse   

Duutsker    Duutsker   

Duitser    Duitser   

Muzzelknoal    Muzzelknoal   

Musselkanaal    Musselkanaal   

Berlien    Berlien   

Berlijn    Berlijn   

G013p    G013p   

2013-03-01 14:46:21