WEV010109

k Wait nog meer geschichtn. Man k heb ze van andere mensn. Dai ze mie verteld hebben, twiefelden nich aan de woarheid; ik zulf kan dr slecht bie. De vertellers wazzen gain proatjemoakers en eevnmin benauwde schieters dai overal baange veur wazn. Luster man es.

t Mout gebeurd weezn in Vlagtwedde. Bie n boerderij van D. gung elke nacht de kleine vol-deure oopn. Mit gain middel was deure dichte te holn. De gröndels wurn dr op doan; dr kwam nog weer n baalke veur langs aan de binnen-kaande.
Niks huilp wat ze ook oet prakkizeerden.

Wat was non t geval? De maiste boern wazzen vrouger verrekt zunige kniepstuvers. D. zien vrouw was overleden, al n hail zet heer. In dai tied luiten ze n holtn hekje um t graf hen zetn. Noa joarn hef oal D. docht: "t Hek kan dr wol weer vot, dan kan t loater weer dainst doun op n ander graf."
Hai har t hek dr vot hoald en op beune hen zet.
Doordeur gungen de voldeurn oopn.
d Oale muik zuk ja baange deur dai spuikerij. Hai haf t hek opnei noar t kerkhof brocht en kiek, dou binnen de deurn dichte bleevn. Toch roar he?

SINSAG 0450 - Andere Tote spuken.    SINSAG 0450 - Andere Tote spuken.   

Spokerij op boerderij nadat boer het hekje om het graf van zijn vrouw heeft verwijderd. Nadat het hekje terug is stopt de spokerij.

Collectie Wever, verslag 101, verhaal 9 (Archief Meertens Instituut)

D.    D.   

Vlagtwedde    Vlagtwedde   

Vlagwedde    Vlagwedde   

C193p    C193p   

2013-03-01 14:46:21