Hoofdtekst
Veurgezicht.
Door ken ik joe stoaltjes van verteln, dei beslist woar binnen. omdat ik ze zulf beleefd heb. Meer den ains heb k wat zain.
t Was op n schemeroavend bie t eerste kruusdaip in de Weerdingermond.
Ik had n zwaart peerd; peerden kennen smanks nog eerder wat zain den mensn. Wie kwamen den bie n brogge, mien kameroad Jan Brands was dr ook bie. t Peerd bleef veur de brogge stoan en was dr mit gain middel over te kriegen. Wie hebben t mit ons baidend n zet perbaierd, moar t huilp niks. In t leste gung k op de kneien lign en keek over de brogge en wat zaag k toun? Door kwam n liekwoagen aan, mit volk dr achter. t Is moar zo n schim wat ie zain; n moment en t is vot. Moar gek dat dat peerd al veur mie zain had. Toun de woagn dr over was luip t daier hail kalm over de brogge.
Nou mos dr dus n dode komen en dat duurde ook nait laank meer. t Was mor n poar doagn loater, toun heurden ik en mien vrouw s nachts geklop op de roamen. Wie dr of en toun kreegn wie tieden, dat mien zuster overleden was; zai woonde stomp bie t kruusdaip.
Ik luip ook n moal deur de Weerdingermond en toun zag ik bie n winkelhuus de veurdeure oopn stoan. t Was bie oavend en de deurn wazzen vanzulf wel tou doan. Toch zai ik deur dei oopn deure n liekkiste noar binnen goan, mit droagers dr bie en aal. Och man, moar eevn noa tied was dei winkelier dood.
Honden zain t ook aankomen. Toun oal S. in de Mond slim zaik was, zat dr geregeld n hond te jankn. Ik wur dr in t leste gek van in de kop en heb hom doodschootn, moar oalS. is sturven.
Dei wat lu zegn, dat oksters t ook aanzeggen kennen, moar dat is onzin.
Nou hadden wie hier vrouger oal K., dei kon zulfs aan de roamen zain dat dr n dode kwam.
"Kiek", zee e den", door binnen de roamen besloagen dat gait nait goud." Wie zaggen wel niks, moar de oale kreeg voak gliek.
Wat mien kameroad overkomen is, zel ik joe ook verteln. Gebeurn gekke dingen in de wereld. Wie luipen zo ais noast nander op de weg en opains doar wordt hai oppakt en net zo over n hege zet. Hai was wel doadelk weer, moar wie schrokn toch baide verschrikkelk. Nou heb ik wel es beweern heurd dat as ie bie n begravvenis deur de karrespoorn loopm, joe zo wat overkomen ken. Of t zo is wai k nait, moar dat van mien kameroad ken je wizze op aan.
Door ken ik joe stoaltjes van verteln, dei beslist woar binnen. omdat ik ze zulf beleefd heb. Meer den ains heb k wat zain.
t Was op n schemeroavend bie t eerste kruusdaip in de Weerdingermond.
Ik had n zwaart peerd; peerden kennen smanks nog eerder wat zain den mensn. Wie kwamen den bie n brogge, mien kameroad Jan Brands was dr ook bie. t Peerd bleef veur de brogge stoan en was dr mit gain middel over te kriegen. Wie hebben t mit ons baidend n zet perbaierd, moar t huilp niks. In t leste gung k op de kneien lign en keek over de brogge en wat zaag k toun? Door kwam n liekwoagen aan, mit volk dr achter. t Is moar zo n schim wat ie zain; n moment en t is vot. Moar gek dat dat peerd al veur mie zain had. Toun de woagn dr over was luip t daier hail kalm over de brogge.
Nou mos dr dus n dode komen en dat duurde ook nait laank meer. t Was mor n poar doagn loater, toun heurden ik en mien vrouw s nachts geklop op de roamen. Wie dr of en toun kreegn wie tieden, dat mien zuster overleden was; zai woonde stomp bie t kruusdaip.
Ik luip ook n moal deur de Weerdingermond en toun zag ik bie n winkelhuus de veurdeure oopn stoan. t Was bie oavend en de deurn wazzen vanzulf wel tou doan. Toch zai ik deur dei oopn deure n liekkiste noar binnen goan, mit droagers dr bie en aal. Och man, moar eevn noa tied was dei winkelier dood.
Honden zain t ook aankomen. Toun oal S. in de Mond slim zaik was, zat dr geregeld n hond te jankn. Ik wur dr in t leste gek van in de kop en heb hom doodschootn, moar oalS. is sturven.
Dei wat lu zegn, dat oksters t ook aanzeggen kennen, moar dat is onzin.
Nou hadden wie hier vrouger oal K., dei kon zulfs aan de roamen zain dat dr n dode kwam.
"Kiek", zee e den", door binnen de roamen besloagen dat gait nait goud." Wie zaggen wel niks, moar de oale kreeg voak gliek.
Wat mien kameroad overkomen is, zel ik joe ook verteln. Gebeurn gekke dingen in de wereld. Wie luipen zo ais noast nander op de weg en opains doar wordt hai oppakt en net zo over n hege zet. Hai was wel doadelk weer, moar wie schrokn toch baide verschrikkelk. Nou heb ik wel es beweern heurd dat as ie bie n begravvenis deur de karrespoorn loopm, joe zo wat overkomen ken. Of t zo is wai k nait, moar dat van mien kameroad ken je wizze op aan.
Onderwerp
SINSAG 0481 - Leichenzug gesehen 
SINSAG 0481 - Leichenzug gesehen 
SINSAG 0486 - Andere Todesvorzeichen.
SINSAG 0486 - Andere Todesvorzeichen.
SINSAG 0483 - Der Sarg gesehen
SINSAG 0483 - Der Sarg gesehen
Beschrijving
Voorbeelden van voorloop: paard weigert verder te gaan want er komt een lijkwagen aan; zien dat een lijkkist wordt binnengedragen, later sterfgeval; bij huis zieke man jankt hond; beslagen ramen betekenen onheil; optillen en oppakken bij lopen op weg.
Bron
Collectie Wever, verslag 104 verhaal 1 (Archief Meertens Instituut)
Naam Overig in Tekst
Jan Brands
Jan Brands
S.
S.
K.
K.
Naam Locatie in Tekst
Mond
Mond
Weerdingermond
Weerdingermond
Datum Invoer
2013-03-01 14:46:21