WEV010805

Nou komen wie op t terrain van de spuikkiekers; en eerlijk gezegd dit mou-je leuvn. Teveul dingen heb ik heurd van zukke betrouwboare mensn, dat ie t wel aanneemm moutn. Mensn dei nait logen of snakken of benauwd wazzen, moar goi-e, lang nait domme lu, dei wat heurden of zaggen wat loater oetkwam.

K. van Terwupping bie Onstwedde luip op n oavend langs t oal daip.
Door heurt hai den zo moar de stem van H., n bekende van hum.
Hai lop op t geluud of, moar zug ja niks. Was gain mens in de buurt.
Over verloop van tied - hai har t verschiensel al laank verteld - binnen er kinder aan t speuln bie t daip. Ain jonkje van H. vaalt in t woater en verdrinkt. De andere kinder goan dat gauw in hoes verteln en den komp H. dr ook ja aanloopm. K. was dr ook bie.
As H. den stait te schraivn bie zien verdronkn kind, zeg oal K. "Dat is non t zulfde geluud van dei bewuste oavend."
Dou heb ik H. dudelk schrouwn heurd."

Kiek, dizze dingen binnen mie verteld deur betrouwboare mensn en den zeg ik dat er vrouger toch meer beston den teegnswoordig.

SINSAG 0486 - Andere Todesvorzeichen.    SINSAG 0486 - Andere Todesvorzeichen.   

Man hoort bij vaart stem van een kennis, maar ziet niets. Als een zoontje van de kennis verdrinkt, is de man bij de schreeuwende vader van het verdronken het kind, hetzelfde geluid dat hij eerder hoorde.

Collectie Wever, verslag 108, verhaal 5 (Archief Meertens Instituut)

K.    K.   

H.    H.   

Onstwedde    Onstwedde   

Terwupping    Terwupping   

Terwupping    Terwupping   

C192p    C192p   

2013-03-01 14:46:21