WEV012601 - Old volksgeleuf.

Old volksgeleuf.
Tusn Wedde en Vlagtwedde ston in mien jeugd n oale holle boom. Toun e zo n beetje aan t verrötn was, mos e moar omkapt worn. n Poar manlu goan dr op of mit de aksebiele en begunnen te kapn.
Dan komp dr n vrumde kerel langs, blif bie heur stoan en zeg: "Ik ken deur dat gat schaitn in de boom; kiek moar tou, de koegel komp dr aan ander kaande weer uut."
Kerel har n jachtgeweer bie zuk.
Joager gait op n ofstand stoan, legt t geweer aan de scholler en en kuurt op t gat in de boom. En joa heur, de kappers zain t koagel votsoezn.
Nou wol t geval, dat er ook net n vrou mens langs kwam.
Zai har ook toukeekn en ruip: "Hai hef joe bedroogn, hai schoot ja nich deur de boom hen, man dr bie langs."
Toun wur dei vent toch zo grel, dat hai dat wief n slag teegn de kop aan gaf. Mitain was t kerel vot.
En de vrouw is heur levend laank stom bleevn.
Vrumde kerel zol wel n duvel west hebben.

SINSAG 0945 - Andere Begegnungen mit dem Teufel.    SINSAG 0945 - Andere Begegnungen mit dem Teufel.   

Duivel mishandelt vrouw nadat ze heeft gezegd dat hij niet door een boom heeft geschoten, maar er langs.

Collectie Wever, verslag 126, verhaal 1 (Archief Meertens Instituut)

Wedde    Wedde   

Vlagtwedde    Vlagtwedde   

Wedde    Wedde   

Vlagtwedde    Vlagtwedde   

2013-03-01 14:46:21