WEV008901

Ik zel joe es wat vertellen over dingen, dei k zulf beleefd heb en dei dus ook woar binnen.
Wie woonden indetied op Stadsknoal; op n oavend zatn ik en mien vrund veur t huus op baanke.
Inains zee mien kameroad: "Kiek doar ais, wat nuvere wichter en wat kennen ze voarn."
Ik keek en wat zaggen wie toun?
Gong n bootje, n soort kano deur t daip; zatn n stok of wat hail mooie wichter in; zai hadden allemoal widde klaier aan. En roeien dat ze konnen, t gong dr haard over.
Wie luipen netuurlijk gauw noar de wale om ze noa te kiekn.
En wat zaggen wie? Niks, hailemoal niks in t haile daip nait.
"Dat is ja roar", zeden wie, "wie hebben ze toch dudelk zain, dei mooie vroulu, gans en al in t wit."
Moar nou komt t. n Weke loater verdrinkt r kind op datzulfde stee, woar wie t bootje zain harren. Ik leuf nog altied, dat dizze dingen wat mit mekoar te moaken had hebben.

SINSAG 0486 - Andere Todesvorzeichen.    SINSAG 0486 - Andere Todesvorzeichen.   

Mannen zien roeiende meisjes in witte kleding die opeens zijn verdwenen. Later verdrinkt een kind op de plaats waar de meisjes zijn gezien.

Collectie Wever, verslag 89, verhaal 1 (Archief Meertens Instituut)

Stadskanaal    Stadskanaal   

Stadsknoal    Stadsknoal   

Stadskanaal    Stadskanaal   

C189p    C189p   

2013-03-01 14:46:21