WEV010003 - Veurzain.

Veurzain.
Vandoage aan de dag heurt ie dr nich zo veul meer over, man dat veurzain bestèèt, door bin k van overtuugd. Ik kan joe dat bewiezen, want mien pabbe en ik zulf hebben verscheiden keern wat mitmoakt. Verder heb ik al n boel heurd van ander lu.

Honden. Honnegehoel verneemt ie vandoage ook nich meer veul van.
Man vrouger, wat kwam dat voak veur, dat dr n hond zat te jankn en dat er dan gauw n dode kwam. k Heb t zo voak beleefd.
Op de Ballege zag k as kwoajong n hond aankomen op n hoes of.
Ik zee al, de hoeskes wazzen n hail bult van laim optrokn.
De hond was zo wild, hai gruif goatn under de laimen mure deur en kroop zo in de keukn.
Door gung e zitn te hoelen. Kwoad dee e nich, man mensn können hum nich vot kriegen.
Oavend op oavend kwam t daier dr aan. As e oetjankt was, gung e weer vot. Net zo laank, dou gebeurde dr wat. Op n dag kwakde ain van de jonges van t beune of en vuil dood op dele.
De hond is dr nooit weer west. En woor kwam t ding hail heer?
Dat hebt ze loater underzöcht. Hail van de Pekel, altied zo 'n 15 kilometer vot. Hou t kan, ik wait t nich, man woar is t.
Ik heb wal voaker honnen komen zain, ook wal noar de Harpel, man de leste tied is t ofloopm.

SINSAG 0486 - Andere Todesvorzeichen.    SINSAG 0486 - Andere Todesvorzeichen.   

Janken van een hond is een voorteken van een sterfgeval. Voorval dat hond gaten door de lemen huismuur graaft en vele avonden in de keuken gaat zitten janken. Hij blijft weg als iemand een dodelijke val heeft gemaakt.

Collectie Wever, verslag 100, verhaal 3 (Archief Meertens Instituut)

Kiek, aal dai dingen heb ik dus heurd of zölf beleefd.
Er was vrouger wal biegeleuf, dat is zo, man verhoaln over veuroet zain is gain oale-wieve proot; dat bestèèt.

Barlage    Barlage   

Pekel    Pekel   

Harpel    Harpel   

Ballege    Ballege   

Pekela    Pekela   

Barlage    Barlage   

Harpel    Harpel   

C192p    C192p   

C187p    C187p   

2013-03-01 14:46:21