WEV003701 - Veurloop.

Veurloop.
Zulf heb ’k nooit wat zain, mor genog heurd van andern.
As kwoajong heb ’k ’n Diekmeijer kend in Veele. Dei zag liekstoaties. Nô kun je wel zeg’n; ’t is flauwekul, mor doar blief ik of. Zo luip D. ’n keer bie de weg mit zien zeun. Dou zee ‘e: “Kom hier eevn stoan, mien jong, aan de kaande, anders komst under de woagen.” ’d Jong gung biezied, dou gebeurde d’r niks en anders was ’e wizze vaoln.
Op de Taange was vrouger oal Kupers, dai haile riegen lichten achter mekoar aan dansen zag. Loater, toun de Tangerweg verhaard was en de auto’s d’r langs stoven, zee ’e: “Kiek, dat is ’t west.”
In de Beetse het hai de woatermeuln ook van te veurn heurd.
Hai har al laank wat rappeln en soezen woarnomen, man wus nich, wat ’t was, totdat de meuln d’r kwam.
In Weende woonde in mien bungeljoaren oal Bontkes.
Zien iemen stönnen voak op de iembaarg op Taange. Op ’n dag luip ’e door weer en dou vruigen mensken hum:
“Nog neis, Bontkes?”
“Neis, joa heur, hier stoef bie komt nog ’n keer ’n kèrke. ‘k Heb zonet de mensken d’r zingen heurd.”
Nou is oal Bontkes al laank vot, moar de kèrke stèèt d’r.
En de mensken zingen d’r.
Kiek, en nou ken doar om lacht worden en ie können mit scholders trekken, moar ’n feit is, dat dei lu dat toch zain en heurd hebben.
’k Stön d’r zölf bie. En as ie dan loater zait, dat heur veurspeln oetkomen is, dan lach ik d’r nich um.

SINSAG 0481    SINSAG 0481   

SINSAG 0487    SINSAG 0487   

Voorbeelden van voorloop: vader die lijkstaties ziet waarschuwt zoon opzij te gaan voor een lijkwagen; voorloop van weg met auto's, bouw watermolen en kerk.

Collectie Wever, verslag 37, verhaal 1 (Archief Meertens Instituut)

Diekmeijer    Diekmeijer   

D.    D.   

Kupers    Kupers   

Tangerweg    Tangerweg   

Bontkes    Bontkes   

Veele    Veele   

Taange    Taange   

Bourtange    Bourtange   

Beetse    Beetse   

Sellingerbeetse    Sellingerbeetse   

Weende    Weende   

Veele    Veele   

Bourtange    Bourtange   

Sellingerbeetse    Sellingerbeetse   

Weende    Weende   

C193a    C193a   

C199p    C199p   

G015b    G015b   

C193p    C193p   

2013-03-01 12:26:15