Hoofdtekst
Oud-Vossemeer
M’n vrouwes vader werkte mie mensen uut Sint-Annaland enne di was ’t er êên, die wekte z’n kammeraas as ze ni d’r werk mosse. Mae as sulder op ’t land kwaeme, dan zat ie d’r a. Enne ie zei, dat ‘n ’t wete wou, dat ’n overal d’n oppersten in was, in ’t tôôvere, weet je. En ie zei: “Dan zèn ze da m’n vader op St. Annaland weunt, mae ie zit in Indië.” Ze zeie: “Da glôô me nie.” Ie zei: “Wi je dan è da’k mergenochend appelesienen voe julder meebring mie de steeltjes d’r nog an? Dan ku je zieë, da ze pas van de bôômen etrokke binne.” En zo gebeurd’n ’t ok.
Ie zei: “Noe za’k di us ’n bos strôôe zette. En je zu wè dienke, dat ‘r op Oud-Vossemeer gin één zit,” maer ie zei: “As ik ielk een strôôtje uut dien bos laet trekke, dan zu je zie of ’t er op Oud-Vossemeer zitte.”
Ie zei: “Ik bin allêêne, mae amme achter d’n diek gae, dan bimme mie z’n drieën.”
Een vrouwe die a mie d’are op ’t land werkte, a ’n nist mie eend’eiers evonde, mae ie nam ze mee en ie zei: “’t Is nie voe de vinders, mae voe de rôôvers.” Die vrouwe gieng an ‘t opspele, maer ie zei: “Speel noe mae nie op, want dan za ’t vandaege meschien nog wè regene. Dan oef jie nie mi te hôpen, d’r is voe joe toch gin hôôpe (annemikt).”
En ’t goeng regene diên dag, da ze nie konne werke. Mae die vrouwe mos netuurlik ni die schure voe de regen. Ie zei: “Doe die deure di us open, want di staet d’r êên an die deure.”
Ze dee de deure open en stapte ni binnen en toen was ze nog mè aldeur an ’t opspele. Ie zei: “Je mo je’n eige mè ’n bitje kalm ouwe en a me vandaege nog nir uus motte en dat za wè, dan laet ik je dansende nir uus gae, dan kunne de mènsen zieë, da jie dat ok nog kan.”
En dat gebeurd’n ok.
Ik è die vent, die dat alles kon, nooit anders ôôre noeme dan as Siska uut Java op Sint-Annaland. Ie ei nog us ’n keer ezeid: “Eén keer op ’n jaer mo’k tôôvere, mae an ’n mèns oef je ’t nie te dôên, want da’s valsigheid. Je kunt ’t overal an doe, a was ’t an ’n bôôm.”
M’n vrouwes vader werkte mie mensen uut Sint-Annaland enne di was ’t er êên, die wekte z’n kammeraas as ze ni d’r werk mosse. Mae as sulder op ’t land kwaeme, dan zat ie d’r a. Enne ie zei, dat ‘n ’t wete wou, dat ’n overal d’n oppersten in was, in ’t tôôvere, weet je. En ie zei: “Dan zèn ze da m’n vader op St. Annaland weunt, mae ie zit in Indië.” Ze zeie: “Da glôô me nie.” Ie zei: “Wi je dan è da’k mergenochend appelesienen voe julder meebring mie de steeltjes d’r nog an? Dan ku je zieë, da ze pas van de bôômen etrokke binne.” En zo gebeurd’n ’t ok.
Ie zei: “Noe za’k di us ’n bos strôôe zette. En je zu wè dienke, dat ‘r op Oud-Vossemeer gin één zit,” maer ie zei: “As ik ielk een strôôtje uut dien bos laet trekke, dan zu je zie of ’t er op Oud-Vossemeer zitte.”
Ie zei: “Ik bin allêêne, mae amme achter d’n diek gae, dan bimme mie z’n drieën.”
Een vrouwe die a mie d’are op ’t land werkte, a ’n nist mie eend’eiers evonde, mae ie nam ze mee en ie zei: “’t Is nie voe de vinders, mae voe de rôôvers.” Die vrouwe gieng an ‘t opspele, maer ie zei: “Speel noe mae nie op, want dan za ’t vandaege meschien nog wè regene. Dan oef jie nie mi te hôpen, d’r is voe joe toch gin hôôpe (annemikt).”
En ’t goeng regene diên dag, da ze nie konne werke. Mae die vrouwe mos netuurlik ni die schure voe de regen. Ie zei: “Doe die deure di us open, want di staet d’r êên an die deure.”
Ze dee de deure open en stapte ni binnen en toen was ze nog mè aldeur an ’t opspele. Ie zei: “Je mo je’n eige mè ’n bitje kalm ouwe en a me vandaege nog nir uus motte en dat za wè, dan laet ik je dansende nir uus gae, dan kunne de mènsen zieë, da jie dat ok nog kan.”
En dat gebeurd’n ok.
Ik è die vent, die dat alles kon, nooit anders ôôre noeme dan as Siska uut Java op Sint-Annaland. Ie ei nog us ’n keer ezeid: “Eén keer op ’n jaer mo’k tôôvere, mae an ’n mèns oef je ’t nie te dôên, want da’s valsigheid. Je kunt ’t overal an doe, a was ’t an ’n bôôm.”
Onderwerp
SINSAG 0750 - Andere Zauberei. 
SINSAG 0750 - Andere Zauberei. 
Beschrijving
Voorbeelden van toverij door tovenaar.
Bron
Collectie De Nooijer, verslag 2, verhaal 1 (Archief Meertens Instituut)
Naam Overig in Tekst
Siska
Siska
Naam Locatie in Tekst
Indië
Indië
Java
Java
Oud-Vossemeer
Oud-Vossemeer
Sint-Annaland
Sint-Annaland
Plaats van Handelen
Oud-Vossemeer
Oud-Vossemeer
Datum Invoer
2013-03-01 14:46:21