NOOIJER000901

Toe ‘k nog tuus was in Renisse, saeme mit m’n broer, ao m’n ’n knecht, Gert den Boer. Dêêr emmen toe aoles van elêêrd, m’n è nooit een betere knecht aod. ’t Was alêênig jammer dat ’n zō stokdôôf was. Ie kon ok mooi vertelle.
Zō eit ‘n ’s een kêêr verteld over de koeien van Piet Blom uut “de Pitten”. Die liepe in de weie in ’s aeves moste die d’r uut ni stal. Dat was aoltied ’n êêle toere want de bêêsten waere mit géén stok over d’n dam te kriegen. Wat of z’ok dêêe, roepe, slae, d’r ielp niks an. Soms kwam d’r êêne koeie over d’n dam, ma d’aore bleve d’r stokstief voo stae. Dien êêsten kwam dan ok gauw veromme. Ze wiste ’t êêl goed, de knechts, oe of dat kwam. Die dam was betôôverd, d’r was een kwaee gêêst, die woonde daer.
Toe, op ’n goeie dag, was ’t er ’n vint, die zei dat ‘r ma êên middel was om die betôôverienge te verbreken in dat was aorde, ieseleke vloeken tegen die dam brulle.
In zō gebeurd’ ut. De koeien wouwe d’r wi nie over in toe is één van de knechts aord an ’t vloeken egae. Wat voo vloeken weet ik nie mi, ma ’t mot ieseluk eweest è. In zō waer, de koeien gienge mit niks over d’n dam.
In elke kêêr dat ze d’r wi nie over wouwe, gieng ’n knecht aord vloeke. Die tôôvergêêst gieng dan sebiet op de lôôp.

SINSAG 0410 - Der gebannte Geist.    SINSAG 0410 - Der gebannte Geist.   

Koeien weigeren 's avonds over een dam te gaan, betovering wordt verbroken door tegen de dam te vloeken.

Collectie De Nooijer, verslag 9, verhaal 1 (Archief Meertens Instituut)

Gert den Boer    Gert den Boer   

Piet Blom    Piet Blom   

De Pitten    De Pitten   

Renesse    Renesse   

Renisse    Renisse   

Renesse    Renesse   

2013-03-01 14:46:21