Hoofdtekst
Sirjansland
’t Was in de zomer in ērg êêt wêêr, goed wêêr om te vissen. Da’s aoltied zō. Ma goed, ‘k zit di te vissen mit m’n bôôtje in “’t Diēpe Gat” bie Ouwerkerke, kort an d’n diek.
An dien diek zat un êêrtje. In ’t begin zat ’n ma te kieken wa’k dee. Dat doe de mêêste. Ma goed, op ’t laoste komt ’n ni benee d’n diek. Ie zei: “Gaet nog a, vissertje?” En ‘k zei, dat ’t nog a gieng en ie zei: “’k è ier ok nog evist vroeger, jaeren elee.” In ie vertelde toe dat ’n as jonge vint bie de poliesje was eraekt. In noe sleet ’n z’n ouwe daegen op Ouwerkerke. Ma goed, ie vroeg: “Vis jie aoltied mar allêênig in “’t Diepe Gat”?” Ik zei da’k ’t a jaeren allêênig dee, ma vroeger mit m’n vaoder. Ie zei: “Da begriep ‘k nie. Wulder dee ’t vroeger aoltied mit z’n beien.” En ‘k zei: “Ma je kent ’t allêênig ok.” “Ja, ja,” zei ‘t ‘n, “ma ’t most wè want ier in “’t Diepe Gat” spookt ut. ‘k Lachte mar ’n bitje, ma ie ieuw vol. Ma goed, ie zei: “Wulder viste aoltied mit twêê jollen, in nooit vare van mekaore.” ‘k Most ‘r wir om lache. Ie zei: “M’n vintje, weet je wat ons overkomme is? As je di bie eweest was, zou je nie elachen è, o ma.” En ‘k vroeg: “Wat was ’t er dan?” Ie zei: “Me laege op ’n nacht wi te vissen, zō’n dērtig meter van mekaore, in di kwam inêêns ’n witte gedaente over ’t waeter an kuiere, recht op ons af. ’t Was ’t er êêne mit un lang wit klêêd an. M’n è ’t goed ezie in me waere vrêêseluk benauwd. En die gedaente kwam op ons af in gieng tussen onze jollen deur. Ma opêêns zaege me ’t nie mi. Da’s ons ier in ’t Diepe Gat overkomme ôôr.
’t Was in de zomer in ērg êêt wêêr, goed wêêr om te vissen. Da’s aoltied zō. Ma goed, ‘k zit di te vissen mit m’n bôôtje in “’t Diēpe Gat” bie Ouwerkerke, kort an d’n diek.
An dien diek zat un êêrtje. In ’t begin zat ’n ma te kieken wa’k dee. Dat doe de mêêste. Ma goed, op ’t laoste komt ’n ni benee d’n diek. Ie zei: “Gaet nog a, vissertje?” En ‘k zei, dat ’t nog a gieng en ie zei: “’k è ier ok nog evist vroeger, jaeren elee.” In ie vertelde toe dat ’n as jonge vint bie de poliesje was eraekt. In noe sleet ’n z’n ouwe daegen op Ouwerkerke. Ma goed, ie vroeg: “Vis jie aoltied mar allêênig in “’t Diepe Gat”?” Ik zei da’k ’t a jaeren allêênig dee, ma vroeger mit m’n vaoder. Ie zei: “Da begriep ‘k nie. Wulder dee ’t vroeger aoltied mit z’n beien.” En ‘k zei: “Ma je kent ’t allêênig ok.” “Ja, ja,” zei ‘t ‘n, “ma ’t most wè want ier in “’t Diepe Gat” spookt ut. ‘k Lachte mar ’n bitje, ma ie ieuw vol. Ma goed, ie zei: “Wulder viste aoltied mit twêê jollen, in nooit vare van mekaore.” ‘k Most ‘r wir om lache. Ie zei: “M’n vintje, weet je wat ons overkomme is? As je di bie eweest was, zou je nie elachen è, o ma.” En ‘k vroeg: “Wat was ’t er dan?” Ie zei: “Me laege op ’n nacht wi te vissen, zō’n dērtig meter van mekaore, in di kwam inêêns ’n witte gedaente over ’t waeter an kuiere, recht op ons af. ’t Was ’t er êêne mit un lang wit klêêd an. M’n è ’t goed ezie in me waere vrêêseluk benauwd. En die gedaente kwam op ons af in gieng tussen onze jollen deur. Ma opêêns zaege me ’t nie mi. Da’s ons ier in ’t Diepe Gat overkomme ôôr.
Onderwerp
SINSAG 0545 - Hexe geht über das Wasser 
SINSAG 0545 - Hexe geht über das Wasser 
Beschrijving
Visser hoort van ander dat het op een visplek spookt, en dat men daar nooit alleen vist. Op een nacht komt een witte gedaante over het water op vissers af, zweeft tussen de twee boten door en verdwijnt.
Bron
Collectie De Nooijer, verslag 12, verhaal 1 (Archief Meertens Instituut)
Naam Overig in Tekst
Diepe Gat
Diepe Gat
Naam Locatie in Tekst
Ouwerkerke
Ouwerkerke
Sirjansland
Sirjansland
Ouwerkerk
Ouwerkerk
Plaats van Handelen
Ouwerkerk
Ouwerkerk
Datum Invoer
2013-03-01 14:46:21