NOOIJER001401

‘k Werkte vroeger bie ’n boer in Oud-Vosmeer. ’t Was toe ’s ochens vroeg dag, want me begonne êêl wat vroeger as tegenwoordig. ‘k Kwam op ’n ochend bie d’oeve in di zag ‘k in ’t of ’n vint die ‘k nie zō gauw kon tuusbrienge. Die vint scharrelde di ma wat rond en ie bokte tèlkes voorover. Vooral bie de kôôlen. ‘k Vond dat erg vreemd en toe ‘k bie d’oeve kwam, stong den baes dêêr ok. En ‘k zei tegen z’n: “Di loôpt di ’n vent in ’t of, wat mot die di zō vroeg doen?” Den baes begon te lachen en ik begreep d’r niks van. Op ’t laeste zei ‘t ‘n: “Je weet dat aol m’n kôôlen opevrete ôôre deur de rupsen. Noe è ‘k ’n vent uut ’t durp, een Rôômsen, evraoge of a ’t z’s dôôd bidde wil.” ‘k Ao wel ’s ôôrd dat bie ons op ’t durp sommige raômse mènsen deur bidden are mènsen beter maekte a ze ’n voet verstuukt ao en zō, ma van dôôdbidders van rupsen ao ‘k toch nooit ôôrd.
Toe ‘k liet merken da ‘k ‘r nie vee van glôôfde, zei den baes: “Je glôôft ‘r mè nie vee van, ee? Gae dan strakjes as ’n weg is mae ’s kieke.” En ja ôôr, toen die vent goed en wel weg was, bin ‘k uut nieuwsgierigheid ’s gae kieke. Je weet meneer da’k nie biegelôôvig bin, mae zo waer a ‘k ier stae: aole rupsen waere dôôd. ‘k Zag gin êêne levendigen mi. Oe of ‘k dat verklaere mot, weet ik nie mae waer is waer, de boer ao gin last mi van rupsen.

SINSAG 0750 - Andere Zauberei.    SINSAG 0750 - Andere Zauberei.   

Boer heeft een katholiek gevraagd om de rupsen die zijn kolen aanvreten dood te bidden. Verteller gelooft het niet, maar als de doodbidder weg is zijn alle rupsen dood.

Collectie De Nooijer, verslag 14, verhaal 1 (Archief Meertens Instituut)

Roomsen    Roomsen   

Oud-Vosmeer    Oud-Vosmeer   

Oud-Vossemeer    Oud-Vossemeer   

Oud-Vossemeer    Oud-Vossemeer   

2013-03-01 14:46:21