EGGEN000101 - Herkomst naam van een steeg.

Tijd; ong. 1810.
De Tartaresjteeg in Waterval hèèt zinne naam gekrege door 't vollegende.
Doe Nepoleon tegen z'n eind leep kaome pès in òzze sjtreke de russe, wersjienlik de Kozakke. Doe 't geruch leep dat de russe in Vallekeberreg waore. De luu van Waterval ginge de Louverenberreg op um te kieke of ze van dao oet e kamp zeen kòste. Onderins kaom 'ne troep, russiese kavělerie. De luu van Waterval leepe versjrik nao hoēs, reigelrech de Louverenberreg aaf. Mè doe ze onder waore, sjtonge dao auch al de russe. Zwoa vlot waore ze op 't peerd want ze hauwe gans mòòte umvare door de sjteeg dèè noe noch de tartaresjteeg hèt. De Kozakke bleve 'ne ganse tiēd in Waterval. Ze gedroge zich gans good. In dèèn tiēd waor de winter hiël sjtreng. De luu van hiē krope umbörte in de hèèrd veur zich te werme. De russe zaote op sjtraot te kaarte of röstig 'ne piēp te rouke, want wat ze hiē koud neumde waor veur hun normaal. Doe ze wiejer ginge woar eine kozak zeuk. Ze loerde in de hoezer, mè ze vonge 'm neet. Ze dachde dat de beweunersj van 't hoes woa hèè in de sjuur gelegerd waor 'm vermoard hauwe. De commandant doorzeukde 't ganse hoēs, sjnee de kösses en de metrasse ope, zwoa dat de vère door de sjtraot vloge. Mè hèè bleef zeuk. Doe ginge ze wiejer en bonge 't peerd vas aon 'n andert en ginge. De vermisde hauw wersjienlik hie of dao 'ne leefste gevonge en bleef leever hie es wiejer te vechte.

TM 2601 - Hoe het dorp (de stad, heuvel, straat, een plek of het stuk land) aan z'n naam is gekomen    TM 2601 - Hoe het dorp (de stad, heuvel, straat, een plek of het stuk land) aan z'n naam is gekomen   

Naam Tartarensteeg zou genoemd zijn naar de Kozakken.

Collectie Eggen, verslag 1, verhaal 1 (Archief Meertens Instituut)

Napoleon    Napoleon   

Kozakken    Kozakken   

Russen    Russen   

Nepoleon    Nepoleon   

Tartarensteeg    Tartarensteeg   

Tartaresjteeg    Tartaresjteeg   

Louverenberreg    Louverenberreg   

Waterval    Waterval   

Vallekeberreg    Vallekeberreg   

Valkenburg    Valkenburg   

Ulstraten (Waterval)    Ulstraten (Waterval)   

2013-03-01 14:46:21