EGGEN000201 - doodshemd en bijkomende perikelen.

Tijd; 2de helft 19de eeuw.

In Waterval woonde drie buurluu, Q(uax), S(tevens) en Van W(eersch). De femili S. besjtong oet vader en zoon, allebei zwoaget twjè mèter lank. Aan 't gezich zaogste 't versjil in lèèftiēd. Hunne houding en loupe waor 't zelfde. Zwoa leventig es de vader waor, zwoa lui waor de zoon. Ze hauwe allebei e sjpraokgebrek en kalde mèt 'n dikke tòng. Ins in de week ging de vader nao de mèrt in Mesjtreech. Es 'r toēskaom tege de middig, reep 'r al aan de deur; "Quoab, höbste kook è bakke?" "Jao, ba", reep Quoab truk en kroop achter door de vinster nao boete en vlöchde de wei in umdat 'r nog ummer in bèd laog.
Op zekeren daag waor de vader gesjtorreve. Dat ging zwoa. Hèè woort krank en noch kranker endoe op 'n nach waor 't aafgeloupe. Quoab ging nao de buurmàn Q. en zag höm dat de vader dwoad waor. Q. vraogde of 't zeker waor. Jao, 't waor zeker, want ze sjlepe in 't zelfde bèd en 'r hauw 't dus good gezeen. Hèè hauw noch wiejer gesjlaope pès sjmörges en waor doe nao Q. gekòme um 't te zegke. Q. vraogde 'm um v.W. te waarsjuwe. Dèè kaom en mèt ze drieje ginge ze bie S. naobinne.
En jao, vader S. waor gesjtorreve. Q. en S. euverlachte wat gedoon mòòs were. Ze zagte Quoab S. dat de vader gewessje en opgebaord mòòs were, of 'r dat zelf kòs. Q.S. hauw leever dat ze 'm helpde. Ze begòste dus. V. W. vraogde um 't sondigshumme van S. um dat te gebruuke um 'm hiemèt te kleije es dwoadshumme. Q.S. waor drop tege, umdat ziene vader en heer mè eīn humme hauwe en ziē 't um de bört drooge; d'n eīne nao de vreugmès, d'n ander nao de hwoamès en hèè mòòs toch e humme drage oppe begreffenis. Q. wis dao waal get op. Hèè hauw 'rsj twjè en kòs waal eint aafsjtoon. 't woort vlot gehaold. E waor waal versjil in lengde. S. waor zwoa um de twjè mèter, en Q. waor eine mèter viefenzestig lank. Mèjè, 't kòs neet andersj of S, woort opgebaord in dat humme, wat 'm mèr pès op de hèllef kaom. De sjouwersj en moewe kaome pès aan z'n èllebög. ’t Waor e onpasselik gezich, auch umdat 't zuuver maake jaore hauw op te knappe. v.W. veulde zich neet al te zjèr op ze gemaak. Hèè bekeek zich de ganse situwasie noch ins good, wie S. dao laog op e paar brwoadplenk op e keuketaofel en 'r preufde 'n vrèèm sjmaak. Doe op ins e kartong wat veur e gebroke roēt zaot oppe grònd veel en 'ne grwoate zjwarte kater zich oppe boek van 't liek zat, kòs v.W. zich neet mjè houte en sjtrompelde nao boete. Q. joog de kater e weg. Q.S. vraogde wat 'r mèt de kleijer van ba mòòs geböre, umdat ze toch hiël versjlete waore, zag Q. 'm ze mèr te verbranne. Q.S. naom al wie 'ne houp graas van de grond en sjmeet al in 't ope vuur. Geliek sjloog de vlam d'r in en e grwoate vlam dreigde zwoaget al te rouke. Doe kòs auch Q. zich neet mjè houte en sjtrompelde nao boete. E paar daag later woort S. begrave en 't sjterfhoēs hauw noch 'n sjterke zeute reuk.

SINSAG 0608 - Andere Begegnungen mit Hexentieren.    SINSAG 0608 - Andere Begegnungen mit Hexentieren.   

Na de dood van de vader helpen buurlieden de zoon met het afleggen. Eén van de buren ruikt wat vreemds en gaat naar buiten als het karton voor een ruit valt en een zwarte kater op de buik van het lijk zit. Als de andere buurman de kleren van de dode in het vuur gooit vatten ze meteen vlam. In het sterfhuis hangt een sterke zoete geur.

Collectie Eggen, verslag 2, verhaal 1 (Archief Meertens Instituut)

G211.1.7 - Witch in form of cat.    G211.1.7 - Witch in form of cat.   

G303.3.3.1.2 - Devil in form of a cat.    G303.3.3.1.2 - Devil in form of a cat.   

D142.1 - Devil as cat.    D142.1 - Devil as cat.   

Quax    Quax   

Van Weersch    Van Weersch   

Stevens    Stevens   

Q    Q   

S    S   

Van W    Van W   

Q.S.    Q.S.   

Quoab    Quoab   

Waterval    Waterval   

Maastricht    Maastricht   

Mesjtreech    Mesjtreech   

Ulestraten    Ulestraten   

2013-03-01 14:46:21