Hoofdtekst
Vals gebit
Mien schoonoll'n kreeg'n veziede.
Oom Jan en Taande Jantje zoll'n komm'.
Ze kwamm' heur 't neijoar oafwinn'. 't was nog janewoarie, dus dat kon nog net.
De koustal wuir aanveegd, de dele ophemmeld en achter t' huus wuir de boudel ook wat opschierd. Want as d'r vrouger volk kwam, den wuir d'r natuurlijk ook altied keken hou of t'er achter bie ston en dan mos de boudel ja wel wat aan kaant wezen.
Oom Jan en Taande Jantje kwamm' op tied, mit de bus!
Boeren hadd'n dou destieds ja nog gain auto, och heden, nee!
t' Was 'n gezellige middag, eerst dronken ze thee mit zulf-gemokte rollegies en kniepertjes d'r bie. Moar loater kwam d'r wat staakers op toavel.
De vrouwlu kreeg'n rezienn' op brandewien, 'n mooi geel schillegie kronkelde in de stopflezze; en de manlu kreeg'n elk 'n raimertje, de flezze kloare d'r bie, en as 't glassie leeg was wuir d'r weer aine intapt.
n' Zetje loater ging oom Jan ongemaakt noar achter'n.
De vrouluu hadd'n niks in de goat'n, zai hadd'n mekoar ook ja zo veul te vertell'n, want zai hadd'n mekoar in 'n haile zet nait zain!
Inains gaf Taande Jantje ' kreet: "Is 't al zo loat? Wie mott'n ja neudig noar huus, mout'n ook ja nog vouer'n en melk'n. Woar is Jan?"
"Dei is eev'n noar achter'n goan," zee Pa. Taande Jantje schoot in heur jaaze, nam in de loop weg oom Jan zien jekker over d'aarm en dat ook noar achter'n noar de koustal. Doar ston oom Jan, mit 'n krauw'l in de groube te haark'n.
"Wat dus toe in de vrede hier nou?" reerde Taande Jantje.
"'k Mos net spijen, en nou ligt mien gebit in de groube," zee oom Jan mit 'n ongelukkig gezicht.
"Doe slaif, hou kost dat nou doun?"
"Tja hou dou je dat?"
"O, dei manluu ook altied!" Taande Jantje weer. "Wie mott'n noar huus, de bus komt'er al aan, den moar zunder gebit!"
Oom Jan schoot in zien jekker, en dat op 'n draffie noar boet'n tou, de bus kwam heur al in de muide, ze wazz'n net op tied!
Net dou de bus weer optrok, tikte mien schoonvoader op 't roampie, chaffeur docht dat 'r nog 'n raizeger mitmos en dee de deure weer open.
Pa stapte in, en zee zo haard as 'e kon: "Ik was de groube aan 't uut-mizz'n Jan en dou von ik dien gebit, most toch beter op dien raive paaz'n."
De haile bus haar groot lol, dou hai oom Jan 'n puutje mit 't gebit aanlangde.Zol hai hom nog weer in de mond doan hebb'n?
'k Mag d'r nait aan denken.
Fr. Steenhuis-Meinders
Mien schoonoll'n kreeg'n veziede.
Oom Jan en Taande Jantje zoll'n komm'.
Ze kwamm' heur 't neijoar oafwinn'. 't was nog janewoarie, dus dat kon nog net.
De koustal wuir aanveegd, de dele ophemmeld en achter t' huus wuir de boudel ook wat opschierd. Want as d'r vrouger volk kwam, den wuir d'r natuurlijk ook altied keken hou of t'er achter bie ston en dan mos de boudel ja wel wat aan kaant wezen.
Oom Jan en Taande Jantje kwamm' op tied, mit de bus!
Boeren hadd'n dou destieds ja nog gain auto, och heden, nee!
t' Was 'n gezellige middag, eerst dronken ze thee mit zulf-gemokte rollegies en kniepertjes d'r bie. Moar loater kwam d'r wat staakers op toavel.
De vrouwlu kreeg'n rezienn' op brandewien, 'n mooi geel schillegie kronkelde in de stopflezze; en de manlu kreeg'n elk 'n raimertje, de flezze kloare d'r bie, en as 't glassie leeg was wuir d'r weer aine intapt.
n' Zetje loater ging oom Jan ongemaakt noar achter'n.
De vrouluu hadd'n niks in de goat'n, zai hadd'n mekoar ook ja zo veul te vertell'n, want zai hadd'n mekoar in 'n haile zet nait zain!
Inains gaf Taande Jantje ' kreet: "Is 't al zo loat? Wie mott'n ja neudig noar huus, mout'n ook ja nog vouer'n en melk'n. Woar is Jan?"
"Dei is eev'n noar achter'n goan," zee Pa. Taande Jantje schoot in heur jaaze, nam in de loop weg oom Jan zien jekker over d'aarm en dat ook noar achter'n noar de koustal. Doar ston oom Jan, mit 'n krauw'l in de groube te haark'n.
"Wat dus toe in de vrede hier nou?" reerde Taande Jantje.
"'k Mos net spijen, en nou ligt mien gebit in de groube," zee oom Jan mit 'n ongelukkig gezicht.
"Doe slaif, hou kost dat nou doun?"
"Tja hou dou je dat?"
"O, dei manluu ook altied!" Taande Jantje weer. "Wie mott'n noar huus, de bus komt'er al aan, den moar zunder gebit!"
Oom Jan schoot in zien jekker, en dat op 'n draffie noar boet'n tou, de bus kwam heur al in de muide, ze wazz'n net op tied!
Net dou de bus weer optrok, tikte mien schoonvoader op 't roampie, chaffeur docht dat 'r nog 'n raizeger mitmos en dee de deure weer open.
Pa stapte in, en zee zo haard as 'e kon: "Ik was de groube aan 't uut-mizz'n Jan en dou von ik dien gebit, most toch beter op dien raive paaz'n."
De haile bus haar groot lol, dou hai oom Jan 'n puutje mit 't gebit aanlangde.Zol hai hom nog weer in de mond doan hebb'n?
'k Mag d'r nait aan denken.
Fr. Steenhuis-Meinders
Beschrijving
Oom en tante komen op visite om gelukkig nieuwjaar te wensen. Eerst wordt er thee met gebak genuttigd, maar daarna wordt overgegaan op sterke drank. Oom drinkt een beetje te veel; als hij naar achteren loopt, geeft hij over bij de mestplaats bij de koeiestal. Als tante merkt dat het tijd wordt om naar huis te gaan, zoekt ze oom op, die met een hark in de mest staat te roeren op zoek naar het kunstgebit dat hij heeft uitgespuugd. Tante trekt oom mee naar de bus zonder gebit. Juist als de bus met oom en tante erin wil wegrijden, houdt de gastheer hem staande. De gastheer overhandigt ooms gebit in een zakje, hardop vertellend waar hij hem gevonden heeft, tot grote hilariteit van de passagiers.
Bron
Vragenlijst no. 62 (1991) Meertens Instituut, Volkskunde, vraag 3, formulier C 189
Commentaar
1991
Naam Overig in Tekst
Oom Jan 
Oom Jan 
Tante Jantje
Tante Jantje
Datum Invoer
2013-03-01 14:46:22