ESOPET58

Een pau quam claghen siere vrouwen
ic sterue seegt hi van rouwen
om die nachtegale dat soe
1270 scoenre singt dan ic doe
du clagest seegt si sonder noet
dine scoenheit es soe groet
die scinet clare herde vele
dan der nachtegale kele
1275 wat redene seegt hi es daer toe
dat si bet singt dan ic doe
daer es seegt si redene goet
god die alle dinc bi redenen doet
heeft hier in verlicht v leuen
1280 een deel gracien ghegeuen
du best scone die swaluwe snel
die nachtegale singet wel
die duue es sempel die aren sterc
die vledermuus en doet geen werc
1285 sonder dat si vlieget vut
in dauonstonde bloter huut
die hane crayet ende wacht
al die getiden van der nacht
die leewerke groet den dach
1290 dus doet elc dat hi vermach
dus hout hem elc an sijn present
dat hem van die gode es ghesent
dese pau slacht den man
die meer begeert dan hem god an

Een pauw klaagt bij een vrouw dat hij ook zo graag een mooie stem als de nachtegaal zou willen hebben. De vrouw legt hem uit dat elke vogel een bepaalde gave van God heeft gekregen en daarmee tevreden moet zijn.

handschrift UB Leiden Ltk. 191 (95r-103v)

13e eeuw

Voor een teksteditie zie Esopet. Ed. G. Stuiveling. Amsterdam 1965. Deel 2.
Zie ook: J.A. Schippers, Middelnederlandse fabels: studie van het genre, beschrijving van collecties, catalogus van afzonderlijke fabels. Nijmegen 1995. nr. 305. Pauw en Juno (meesteres).

God    God   

2013-03-01 14:46:21