ENGELB_01_011

Ik heb ok wa es maol heurd, dat was in east'n oarlog, doe wön'n der nen keal an de Deurningsstraot, Leengmans neum'n ze den; he kòn naa vetel'n, ok wa in 'n café, mè he kôn ok van alns en doe han'n der nog nich zovöl fiets'n west, mè doe har he 'n advetèènsie leas'n in ne Engelse kraant, nô hee ken'n nauwlijks Hollaans, mè zo vetöl he dat ok, ne Engelse kraant har he dan had en doa har dan istaon ne fabriksant, dee leut doa fiets'n kom'm, doa kô'j ne fiets laot'n kom'm, heelmaol oet meka, ie mön'n 'm zölm in meka zet'n en dat kos'n viemdettig gul'n en dee zôl'n oestèèrk wèèn; doe vertel'n den man dat in 'n café en dan zeg dat zo; zien buurman den zeg, dan laot ie zonne fiets kom'm, den wi'k wa es zeen. Nô, zeg he, dat doo'k ok. De fiets kwam in ne grote kist; nô he zet'n de fiets in meka, aolmaol met slöttelmoer'n en alles, mooie koa; doe zeg he teeng zien maot at nô maol mooi wea is, gao'w es met meka fiets'n, ie hebt ok ne fietse, dan kö'j ok wa es nen zet ôp 'n mien'n jaang; he heul ok van nen borrel en aoweral ef'n anleng, dat was good, mè doe is 't maol mooi wea en doe zer den keal: Mans wat he'j der nô van dacht, wie möt dee fiets'n nog es prebear'n, ja, zeg he, dat lao'w nô venammerrag es doon, wie nemt nen dag vriej; en Mans met zienen kammeraod ôp de fietse van Hengel nao Boarn, van Boarn ôp Zène an en doe kômt ze in Almelo bie Kolthof en doa wilt ze nen borrel koop'n en ineens har den buurman teeng 'm zegd, mè buurman, Mans, wat ha'j der toch met, ie zint ja 't achterrad kwiet. Niks van bemäörk'n, wie drekt wierum, woa lear 't achterrad? bie Haarhoes, bie 't café doa wa'w 't a kwiet wörd'n; dat was Leengmans en dat veteul he net zo vaste, man, Leengmans, ha, ha, ha. Buurman, den zear, Mans wat doo'j nô, ie hebt ja gen achterrad, zie han'n geelsgen èèrg in had; tot an Almelo waan'n ze zo ôp 't ene rad vedanjagd.

VDK 1967A* - Achterste wiel kan fietser niet bijhouden, komt later thuis    VDK 1967A* - Achterste wiel kan fietser niet bijhouden, komt later thuis   

Fietser merkt naderhand dat hij zonder achterwiel heeft gefietst.

Collectie Engelbertink, verslag 1, verhaal 11 (Archief Meertens Instituut)

Leengmans    Leengmans   

Boarn    Boarn   

Hengel    Hengel   

Almelo    Almelo   

Zène    Zène