ENGELB_01_016

Mien mo hef dat wa es mangs vetöl'n in Aalbèèrng, doa har dan lao'k mè zeng, wat dan zien vare was, den har nog 'n ôngetrouw'n breur had, dat was Graads, har den dan het en dan han'n ze nog nen Herman had, mè at 's aoms 't wèèrk of was west, at ze 't et'n ôp, dan han'n ze bin'n daon en dan han'n de vrouwleu stopt, zie han'n dan nao ber gaon wan'n nog hen kaat'n gaon of hen kuie, doe wan'n ze ok 'n maol 's aoms 'n heel'n nèènd duur de Braok gaon in Aalbèèrng en dat was nen hoog bult west, doa wörd'n völ schäöp hod en doe wan'n ze ok 's aoms wier köm'm van 't kaat'n, het was ôngevea twaalf uur, zie wan'n teng 'n hoes anloop'n, hoe is dat toch meuglijk? 'n Hoes steet hier toch nich, zie wan'n der roond um henloop'n, zie han'n dar gen duur'n an kön'n vin'n. Een was good klook west en hee har der nen stok bie zich had en har ezegd, hier stek ik 'm in de groond. Zie wan'n nao hoes henegaon, zie han'n 't teng de vrouwleu zegd, doe wan'n de vrouwleu begin'n te lach'n en han'n zegd, ie hebt nen goo'n borrel had. Wie han'n niks had. Mè dan bi'j vedwöl'n. A'j 't nich gleuwt, mien stok steet der nog. Joaren late is der 'n hoes bouwd, dat hebt ze vaak genôg vetöl'n. Dat vetöl mie mo va vuur woa; ja, doe hebt ze zukke wichte west. Dat kan aolmaol; oons leem Hea hef vroge ok völ mea toolaot'n as nô; de leu wan'n goodgeleuvig en dan gebuur'n dat wa en dat kaan'k mie ok best indèènk'n.

SINSAG 0487 - Vorbedeutung anderer Ereignisse.    SINSAG 0487 - Vorbedeutung anderer Ereignisse.   

Voorloop van bouw van huis.

Collectie Engelbertink, verslag 1, verhaal 16 (Archief Meertens Instituut)

Aalbèèrng    Aalbèèrng   

de Braak    de Braak   

Albergen    Albergen