Hoofdtekst
Vrower, het daenkt oe misschien nich meer, at de boern aolmaol vlas verbouwn. D'r was völ waerk met, doorum hebt de leu 't ok ôpgemn, zie verbouwn 't ok völ veur aengn lijfsonderhoud, zie mäökn d'r hemdn van, gaeld was d'r nich um te kaopn.
"Het warn toch blauwe bleumkes?"
Ja ik heb ze nich kaend, nee ik heb wa vlas kaend, de vlasstengels heb ik ok a wa zeen, at ze bewaerkt zôln wördn. Ik heb in Nijnmeengn lengn in 'n earstn oorlog as soldaot, an disse kaant van Nijmeengn, an disse kaant van de Waal, door he'j Lent, door verbouwn ze doe nog vlas en door heb ik ze wa mangs zeen. Mer ok wa at ze an schäöw stunn as ze ôp dräöwd warn, mer wat vuk bleumkes at ze hadn, dat interesseern mie ok nich völ, wa de lengte. Mer 'n ane verhaal, owwer 't vlas, wie woln 't d'r net owwerhemn; door was völ waerk met en dat môs ok ne tiedlang in 't water zitn.
"Vlas reutn neumt ze dat".
En door mônn ze mangs hen of alns wa ônder water zat en dan hadn ze 't mangs umlengn mötn, mer ne vrouw was door met belast en ne boer har dat in ne kolk zitn en het was luk ne ofgelaengn kolk, mer het dräöwn nich makkelijk oet. Mer altied at dee vrouw door kwam lag ne langn snook ôp en doe wol ze dee wegjaangn en ze har d'r ôphouwn en ôpdaon, mer doe wol he bietn, har ear 'n bek zeen laotn, was wa lewntig west, mer d'r nich of en 'n boer was later metwest en ok net zao en door is dan ok wa meer an te pas kömn, mer door zäöngn ze dan ok de verkeerde bovennatuurlijke macht in, dat dat duwelswaerk was hè.
"Is door nich een of ane geestelijke biehaald of zao?"
Dat wet ik nich, misschien wa, later, ik weet den kolk nog wa, zie hebt mie as klaene jông vaak genôg waarschouwd, ik zôl d'r nooit langs gaon.
"Mer he'j dat nô es prebeerd in 'n aomnd d'r langs te gaon of nich?"
Nee, wie zint door later weggaon, wie hebt door ôp dree plaatsen woond bie 'n daorp vrower, het lag wa nich zao wied oet mekaar, in 't duustern bin'k door nooit langs komn, bie lecht vaak genoog.
"Bestaet den kolk dan nô nog?"
Jaowa, tenminstn dat verwoch ik wa.
"Het warn toch blauwe bleumkes?"
Ja ik heb ze nich kaend, nee ik heb wa vlas kaend, de vlasstengels heb ik ok a wa zeen, at ze bewaerkt zôln wördn. Ik heb in Nijnmeengn lengn in 'n earstn oorlog as soldaot, an disse kaant van Nijmeengn, an disse kaant van de Waal, door he'j Lent, door verbouwn ze doe nog vlas en door heb ik ze wa mangs zeen. Mer ok wa at ze an schäöw stunn as ze ôp dräöwd warn, mer wat vuk bleumkes at ze hadn, dat interesseern mie ok nich völ, wa de lengte. Mer 'n ane verhaal, owwer 't vlas, wie woln 't d'r net owwerhemn; door was völ waerk met en dat môs ok ne tiedlang in 't water zitn.
"Vlas reutn neumt ze dat".
En door mônn ze mangs hen of alns wa ônder water zat en dan hadn ze 't mangs umlengn mötn, mer ne vrouw was door met belast en ne boer har dat in ne kolk zitn en het was luk ne ofgelaengn kolk, mer het dräöwn nich makkelijk oet. Mer altied at dee vrouw door kwam lag ne langn snook ôp en doe wol ze dee wegjaangn en ze har d'r ôphouwn en ôpdaon, mer doe wol he bietn, har ear 'n bek zeen laotn, was wa lewntig west, mer d'r nich of en 'n boer was later metwest en ok net zao en door is dan ok wa meer an te pas kömn, mer door zäöngn ze dan ok de verkeerde bovennatuurlijke macht in, dat dat duwelswaerk was hè.
"Is door nich een of ane geestelijke biehaald of zao?"
Dat wet ik nich, misschien wa, later, ik weet den kolk nog wa, zie hebt mie as klaene jông vaak genôg waarschouwd, ik zôl d'r nooit langs gaon.
"Mer he'j dat nô es prebeerd in 'n aomnd d'r langs te gaon of nich?"
Nee, wie zint door later weggaon, wie hebt door ôp dree plaatsen woond bie 'n daorp vrower, het lag wa nich zao wied oet mekaar, in 't duustern bin'k door nooit langs komn, bie lecht vaak genoog.
"Bestaet den kolk dan nô nog?"
Jaowa, tenminstn dat verwoch ik wa.
Onderwerp
SINSAG 0917 - Teufel (in Tiergestalt) erschreckt Sünder (Fluchende, Holzdiebe, Sonntagsschänder oder Spötter). 
SINSAG 0917 - Teufel (in Tiergestalt) erschreckt Sünder (Fluchende, Holzdiebe, Sonntagsschänder oder Spötter). 
Beschrijving
Van een bijtende snoek wordt gedacht dat hij van de duivel komt.
Bron
Collectie Engelbertink, verslag 6, verhaal 4 (Archief Meertens Instituut)
Motief
G303.3.3 - The devil in animal form.
G303.3.3 - The devil in animal form.
G303.3.3.5 - Devil in form of fish.
G303.3.3.5 - Devil in form of fish.
Plaats van Handelen
Volthe
Volthe