ENGELB_06_003

Dan is d'r nen boer west, door was nog 'n oold buurkn in hoes, stokoold en den boer den har nen knecht en dat is ok werkelijk gebeurd, want ik heb ze ja al good kaend, mer door har 't vrower dan ok speukt, hè. Mer den knecht, den wet dat nich, den is d'r nog nich zao lang, den môs peerstel oetmesn en dat ool eumke, dat zit door vuur nienduur ôp ne schoefkoor en doe zeg de knecht tengn hem: "Boer, nô mö'j mie es verteln, nô zit d'r van de boetnkaant en van de binnkaant grendels veur de deur, woor is dat good veur?" "Ja", zeg 't "door praot ik lewer geelsnich owwer". "Is dat dan zao ingewikkeld?" har de knecht zegd, "da'j door nich owwer praotn döwt". "Ja, mos d'r nich owwer vedanpraotn", har he 't zegd "ja, door wet toch wa meer leu, mer dan wi'k 't die toch mer zengn, door hebt tiedn west hier, at ze de peer in 'n stal hadn en zie hadn wat etn of zie hadn bid of netzölfde wat en dan wadn de peerzeln wadn vanzölf losgaon en dan hadn de peer zik rôld in 't grös door en dan wadn ze weer begunn te waedn en doe hann ze a zao vaak dacht: "Wel zôl oons dee peer loslaotn". En doe wadn d'r 'n paar jônge keerls met 'n geweer, den boer hef de schuur dwers vuur 'n nienduur henstaon, ôp ofstand met 'n gelaadn geweer zitn gaon, ik wet nich, wel dat wadn, zee woln zeen, wel dat wadn, mer 't wör tien uur, wör elf uur en zao wör 't morn, mer alle deurn wadn los, zônder at der iemand is en de peer rôln zik door in 't grös en dee begint door te weidn en door is völ meer gedonder west in hoes, door zal wa bie daon wenn, meer ônangenaamheedn, mer goed, doe hadn ze dan grendels ôp maakn laotn en an de binnkaant ok, mer efn zao vrolijk los en doe is de geestelijkheid d'r ok an de pas kömn.
"En hef dee 't vuur mekaar krengn?"
"Jaowa".
"Hef den dan een of ane bezweuring zegd?"
Ja, ne priester, dee hef völ meer macht a'j maent. Ja ne priester v. d. Bosch oet 'n daorp môs maol achter naor Beuningn hen en in dee tied môs dat te voot gebeurn, dat höl nog wa an, mer den priester hef nen hood ôp had en den is 'm steurig van 'n kop ofhouwn, zônder at he wat zäög, woorum? Dee ziel was misschien verleurn, at den priester nich ôp tied was, he môs ôpônthaold hemn, ne priester ging meestal niet alleen; d'r was vaak nen köster of nen misdienaar bie of nen begeleider, maar he is nog wa ôp tied kömn.

SINSAG 0580 - Andere Hexenkünste    SINSAG 0580 - Andere Hexenkünste   

's Nachts staan paarden vanzelf los in de stal, stopt na bezweren door priester. Onderweg wordt de hoed van de priester regelmatig van zijn hoofd gestoten.

Collectie Engelbertink, verslag 6, verhaal 3 (Archief Meertens Instituut)

Van den Bosch    Van den Bosch   

Beuningen    Beuningen