ENGELB_10_002

... Ja doe was ik zon tweintig joar, ik was d'r net wier oet 'n deinst, ik heb bie de huzaarn, doar heb ik 26 moand west en 't deerde moal, dat ik doar kwam, wol 'n dokter mie hebn ofkuurd in Amersfoort, dat weet ik nog best, doe zer ik, ik har last van hertkrampn en of ik doar gen last van har, ik zer, doar kaan'k niks van wetn, joa, ik har 't toch, mer of ik dan nich wol wördn ofkuurd, ik zer, doar ha'k weinig belang biej, ik gaf d'r ok niks um of ik in deinst môs, ik zin dan ok wa in deinst goan, ik heb aait an alns metdoan, ik heb d'r ok nooit gen last van had ...
.... Ja dat is nô wa liêdn, zon dik in de zestig joar, mer doe woundn doar bie ouns ean, wat nô 't vliegveal is en dat was nog iets familie van ouns en doe ik bie ouns kwam, doe hadn ze van wierskaantn een peard met ouns tehoop en wie hölpn ouns owweral mekaar met en doe ik doar 's oavnds, nô ja, doar was gennen fatsoenliken weg hen, het was almoal hei en dann en veald, dat mô'j zeukn, ha'k hoast zegd, mer as ik 's oavnds noar hoes hen veurde vandoar, dan kôn ik aait ne laamp zeen braandn van ouns ôp 't Hof Espelo an, 'n Hofmeyer zeadn ze vrower en ik kôn nooit en d'r stun neargns gen hoes woarvan ie ne laamp zeen kônn, doe later begunn ze doar wat te bouwn, ja en zo is 't eigenlik goan, doe is d'r doar ean verbraand, nich zoa veer van ouns of .... en 's oavnds, wie hadn nog gennen poump en 's oavnds, wie worn nog mer zukke jôngs, koon'k dee laamp ok wier zeen brandn, mien moor, dat was on gennen bangn net ôp 'n dannbôs van van Alphn doar ôp an, woar zôl dee van wêazn, doar stun geelsgen hoes, ja wie wusn 't ook nich, mer doe gung doar ean, heelmoal biezieds onder de Petersboer en dat hoes braande of, mer ja dat was heelmoal bie de zied en doe, dat ofbraandn, dat gung ok mooi. Wie zeint d'r nog hen west, dat volk, dat leup d'r hen, dat keerlke har vrower ok a noar Indië west, dat was ok gennen bestn en doe hadn ze d'r nog wat van oethaald, doe wounn 't ok a onder Petersboer, hadn ze a meubels oethaald, mer dat keerlke har d'r alns wier insmetn, 't har d'r niks oet wiln hebn, 't môg 't misschien wa good verzekerd hebn, doar kaan'k ok niks van zegn, mer wat ziene vrouw was, dee har d'r zegd, ze wol pap etn, doar hadn de ouns biestoan, wat mien öldste breur en zuster was en 't was nich zoa veer van ouns of, dee har ze ôp veald staon, dee wör ear koold, har ze zegd. En 't hoes hadn ze in braand had en ze hadn 't hoes mer braandn loatn, mer doe later, 't was d'r nog nich met ofloopn, doe hef Petersboer wier vuur dee leu 'n hoes bouwd mer nich doar, meelmoal biej, het har doar ok ground lign, zette doar 'n hoes ôp van dree wônninge, ja wônninge, huk, Petersboer bouwde altied met zien eagn hoolt. Nô ha'w doar altied dee laamp doar zeen brandn, mer nô kô'n ne nog nich zeen brandn, met doe bouwde met de vuurkaant ôp van Alphen zienn bôs an en dan kô'w nooit ne laamp zeen braandn, wie hebt d'r zoa vaak ôpkekn, woar dee laamp wa nich vandan zôl komn, mer doe bouwt he an ean van dee wönninge de achterkökn bie an, woar dee leu ôp wônn, dee doe verbraand warn en doe kô'w dee laamp wier zeen brandn en dat is 'n ding, doar he'w verscheidenen moaln ôpkekn, mer doe zea'w doe kô'w de laamp wier zeen en doe kô'w ok wier zeen braandn, alle oavnde, ...

SINSAG 0487 - Vorbedeutung anderer Ereignisse.    SINSAG 0487 - Vorbedeutung anderer Ereignisse.   

Branden van licht op een plek waar later een huis is gebouwd.

Collectie Engelbertink, verslag 10, verhaal 2 (Archief Meertens Instituut)

Hof Espelo    Hof Espelo   

Hofmeyer    Hofmeyer   

Lonneker    Lonneker