ENGELB_10_005

.... Doar was zien kammeroad hentrouwd, doar zô'w dan hen, wie zint in Bornerbrook in de vroogkeark west en doe noar Eanter en in Eanter doar he'w nog 's namerraagns noar 't lof henwest, mer a'j in Eanter vrower kwamn vrower dan was 't zo ... ie hoovn vrower in Eanter nich völ te zegn, ok as doar ne brulfte west har in Eanter mer at ze zik nich bie de köp hadn had, dan was 't nich good west ... .... De Vriendschap, ik weet, bô neumn ze dat ding ook, doar in 'n Krim in Eansche, doar he'k a wa west, leu, dee gen nachtverblief hadn, dee kônn doar vuur 'n paat ceant en dan kônn ze doar wat etn, doar he'k ok wa es mangs wat henbracht, ik heb d'r nooit gen last methad, tot 'n moal was d'r ean bie ouns en dat was in 'n oorlog, löaw'k van '14-'18, doe warn ze doar ok zo um verlêagn, Amerika stuurde doe genoog of, mer de Duutsers maakn dat met ear ônderzeeërs wier kapot, Hollaand was doe ja nich in oorlog, zie zint net um Limburg hen trökn en doe hebt ze ouns vriej loatn, mer hier leedn de leu honger. Doe wounn doar ook ean, dat was van dat café Bouwhoes kort bie 'n kearkhof van Hengel, ja ik weet nich, dee heb ik almoal wa good keand, den keerl, den wounn doe alleen en zien zuster was ne klop, klopn ha'j vrower ja ok nog, klopn zedn ze wa mangs, klopn in hoes is 'n duvel ôp 'n schorsteen, zeadn ze vrower, mer mien grootvader möt ok wa nen grapnmaker hebn west, den trefn .... doar ôp 'n weg en dech he, doar za'k es nen grap met hebn en nô vrag he den keerl noar de weg, joa, ik weet nich, nog wa 'n heel eandke hierof, ja den keerl was ook nen kwezel, den zeg, ik zal oe de weg wa wiezn en den geet doar nen eand met hem, mer doe kwamn ze zo veer, doe mien grootvader, wat mien grootvader was, den kwam zo veer, dat kort noar hoes en den dech, ik mot hem toch wier kwiet hebn en zeer, joa den keerl hef hem nich keand, den keerl har hem vroawd woar hee vandan kwam har he zegd, he was de knecht van nen domneer. Dat har he hem ook nog wa zegd, he har zo in wiesheid met hem henkuierd, mer doe zeg mien vaar tegn hem, ik mot hem kwiet, dee zeg teegn hem, ik heb eerst nen bodschôp, ik mot nog ierst in 'n bôs en dee geet vôt, ja he was moal ôp 't hoes angoan moal en doe wat den Bouwhoes west har, ja den har toch zonnen zet stoan te vroagn, vreenschôp hes hoast doan, har he zegd, mer vaar dee har a nen heeln eand weg west, dee was a aardig ôp hoes an, dee har he nich wier heurd. En doe har hee doar de boern round west en har zegd, doar löp slecht volk, wie môsn ôppasn. Den hef doar de hele bool zoawat in rep en roer zet, en dat was nô werkelik niks.

Ergens in een huis woont een man alleen met zijn zuster, en zij is een zogenaamde "klop": een katholieke vrouw die niet in een klooster woonde maar wel de kuisheidsgelofte had afgelegd. Een klop stond niet altijd goed bekend), en het gezegde luidde: een klop in huis is de duivel op de schoorsteen. Het gerucht wordt verspreid dat er slechte mensen wonen.

Collectie Engelbertink, verslag 10, verhaal 5

Duitsers    Duitsers   

Bouwhuis    Bouwhuis   

Café Bouwhuis    Café Bouwhuis   

Bornerbroek    Bornerbroek   

Enter    Enter   

Enschede    Enschede   

Holland    Holland   

Amerika    Amerika   

Limburg    Limburg   

Hengelo    Hengelo