ENGELB_11_002

Kl: Doar dörf ik nen eed ôp te doon en ik heb vuur twee joar, wie warn bie oonzn buurman an ’t inblievn, bie de Meier zie warn d’r almoal oet en hij, ’n jông keerl en de vrouw en dee warn d’r oet, zee hadn ’n stuk of veer kinder en doar môsn wie ’s oavnds in hoes blievn en wi’j goat d’r ’s oavnds hen, ok teegn ’n uur of zeuvn, half acht en wat is ’t geval, ik goa es noar boetn hen hen kiekn, ik kôn zoa bie oons ôp ’t hoes kiekn en keek es zoa roond - lang ôp ene stie stil zitn mag’k nich - en dan mô’k wier ôp de beenn weazn - en ik goa noar boetn hen en dat ha’k verschillende moaln doan ’s oavnds en doe verdomme um ’n uur of een, ik dach, wat blieft ze toch lang oet, ik goa wier noar boetn hen en het was lang nich deuster, hartstekke deuster nich, want ik kôn de huus nog best ônderscheidn, in ’n tweedoonker was ’t um ’n uur of een, het was ok nich lechte moan en potverdomme nog moal en ik zee toch ineens doar net as ne bôs stroa, ne schoaf stroa en dat verplaatst zich doar zoa hen en wat is ’t geval, ik maak meark ôp de weg en ik ’s andersmorgns wier noar ’n buurman hen west, nôw mö’j es goan, doan is ‘t, wat doar binnkort gebuurt, wet ik nich, mer doar in dat hoes, nen streep doarôp an en doar heb ik gisteroavnd dat zeen en doe wat ’t net in de richting van dat hoes en dat was, woar nô W. is en net precies ’n joar later, ik heb ’t ôpschrevn in ’t notitiebeukke en net precies ’n joar later en waarachtig den keerl den stearft van 50 joar ... en zukke van dee dinge he’k wa meer heurd;

SINSAG 0486 - Andere Todesvorzeichen.    SINSAG 0486 - Andere Todesvorzeichen.   

Voorloop van dood.

Collectie Engelbertink, verslag 11, verhaal 2 (Archief Meertens Instituut)