ENGELB_11_003

nôw eenmoal, doar woar wie nôw wônt en dee boerderiej ha’w koft en doar per slot van rekn, doar môs keunstmest zeajd wördn, dan wa’k bie mien volk in hoes of ik was bie mien zuster in Lönneker, mer ’t vuurjoar gung an en dan mô’j keunstmest inzeajn en wie hadn ne bende keunstmest, wa 24 meter laank, ne hele grote del en potverdomme nog moal, wat is ’t geval, doa he’w nog nen heeln bult zitn, doe ne jông oet Mariaparochie, dee hölp mie en dee hölp mie en doe zoaterdaagnsnameraagns wie zeadn tegn mekaar, tookn wek doo’w wier, ’n gedeelte d’rvan mö’w nog zeajn en dat doo’w tookn wek en ’t was mooi weer, dat was ’t um te wearkn en het môs ok gebuurn en het môs ok gebuurn, dat môs’t en doe per slot van rekn, wie hadn de bool a ankeerd en ik har vuuran alns dicht de duur en alns dicht en ik dear alns ôp slot en doe stoa’w doar bie mekaar en kiekn nog e zegn en confereern d’rowwer, dit möt doar nog ôp, ik zei, nouw, ik zei wee’j wat is, wie goat vôt ik span ’t peard an en dan goa’w vôt en dan doo’k de duurn dicht en doe waarachtig woar, wie komt, wie stoat allebear nöast mekaar, ja en ne fleenkn jôngn keerl. he lewt nog wa, he is getuge, want he wet’t en doe per slot van rekn, doe zeg he, goondag en heel dudelik en he keek mie an en ik hem an, nouw, wie wördn d’r zoa raar van, wie zint ’n balkn roond west, wie zint de hieln roond west, in de beare peardestel, wie hebt met mekaar alns roond kekn, d’r was gen sterveling te zeen en dudelik ne vrouwnstem kô’w heurn, goondag.

SINSAG 0478 - Andere Erlebnisse; unbeschreibbare Spukerscheinungen.    SINSAG 0478 - Andere Erlebnisse; unbeschreibbare Spukerscheinungen.   

Er wordt een vrouwenstem gehoord, maar geen vrouw gevonden.

Collectie Engelbertink, verslag 11, verhaal 3 (Archief Meertens Instituut)

E402 - Mysterious ghostlike noises heard.    E402 - Mysterious ghostlike noises heard.   

Lonneker    Lonneker   

Mariaparochie    Mariaparochie   

Lonneker    Lonneker