ENGELB_11_007

Kleissen: Wat miene vrouw is per slot van rekn, doe har ik d’r verkering met en dee har ok zovöl wratn, mienn, dat wee’j wa en den har zovöl wratn, ik zei, ik zal die d’r ofhelpn, in ieder geval, doar hes ’n kwartje vuur en dat mös doon ôp ’n schutbuul was dat nog vrower ’n aarmbuul en ik heb ’t doan in een ôngezeen liek zo met ’n dag en ôp ’n gegeevn moment warn ze heel kort bie bie al vôt en ôp eenmoal, Bennie wet dat nog wa, dat was ’n wicht van oonzn buurman en den har ne wrat zitn ônder ’n nös, dat was net altied nen snotterbel, wie môgn d’r nich ees noar kiekn en dat is waar gebeurd, dat wet Bennie ok, ik wil nich verteln, wat nich woar is en doe ha’w d’r met zien zuster d’rowwer, den was nog wa ’n moal bie ouns hen helpn, ja den har ne wrat ônder ’n nös zitn ik zei, is dat ne wrat? Dan zal ik hem d’rof helpn en waarachtig het kwam ’s anderdaagns bie ouns, zik zeg, hes doe ne wrat ônder ’n nös zitn, zee zeg, joa, ik zeg, hier hes ’n bubbelke vuur of ’n kwartje, ik wet nich meer, mer dat mös ôp ’n aarmbuul doon, mös ok an deankn zundag, en ôp ’n gegeevn moment binne de zes wek, ’s morgns steet ’t ôp en zeg, oh geddegod en hef heel de wrat nich meer. het was vôt, absoluut woar.
Engberink: Zo is ’t mie net goan, doar hef ja gen meanske bie west, doar was ok ’s oavnds genean, tenminste, doe he in de kist lêar, ik heb beare haandn d’r goad owwerwrîevn, mer ik was ze kwiet.

TM 4302 - Volksgeneeskunde    TM 4302 - Volksgeneeskunde   

Men kan wratten genezen door ’s zondags in de kerk wat in de collectezak voor de armen te doen.

Collectie Engelbertink, verslag 11, verhaal 7

Bernardus Engberink    Bernardus Engberink