ENGELB_12_022

Klein Haarhuis: Dee oolde leu, dee hadn gen kinder, hadn gen kinder, warn wa trouwd, hadn gen kinder, zee warn wa oardig oold, zee warn allebear oold wördn, den een was acht en zeuvntig en den aander was zes en tachntig wördn, mer dee vrouw was op nen oavnd en pankook bakn, mich at ze dat wat later vertöl, mer dat vertöl ze vuuroet, was an t pankook bakn en ooldn J., den kröppeln met t been, den zat an n hook van n heard van t veur, an t pankook bakn en in eenmoal doe heurt ze boetn mooi muziek, dee vrouw, meuiste muziek, zear ze, kleunk mie in de oorn, ik zej: God, J. goa es met, ik doo de duur los, God, God, buurman steet in braand, zie loopt d’rhen, net langs den heg langs, zie lagn ongeveer 60 meter oet mekaar, nich veerder, en no zint ze doar halfweg, alles oet, tweed’n oavnd precies tzölfde, was an t ofwaske heur ik wier dat muziek, geet wier noar boetn, in braand, t hele hoes, vleagt d’r wier hen, dezölfde stie, wier verdweenn en t deerde moal, n wek of veer, vief, zes wek later, doe braandn he of en den keerl geer d’r nog um hen te springn en zeg he, zoavöl veur en zoavöl veur en no kaan’k nog de piep nich ankriegn, dat is eerlik gebuurd, dat kon ze vuur de tied, hadn ze dat a vertöln

SINSAG 0491 - Vorzeichen eines Brandes    SINSAG 0491 - Vorzeichen eines Brandes   

Na twee keer horen van muziek en huis zien branden, is er de derde keer echt brand.

Collectie Engelbertink, verslag 12, verhaal 22 (Archief Meertens Instituut)