ENGELB_12_027

Kl.H.: Doe’k doar kwam, was alns vot, met ja, dat is n vertelsel. Ik kan nich aands oordeeln, of ik mot d’r achter stoan. En zoa he’j wa zoavöl van dee verhaaln, ik goa d’r wa es mangs deper op in, zoa-as doe ik vrower bouwd heb an de Delma, doe zeg mien moder tegn mie: Herman, ie hebt n steen glad op n verkeerdn eand stoan, doar koomp t hoes nich te stoan. Ik zeg: Ja, moder, dat wet ik wa, mer zee hebt t d’r verkeerd ofzet. Oh, dat wol ik zegn, doar koomp t hoes te staon, dat klopt wa, dat he’k a zoa vaak heurd, en doe vrower doe at - ten Coat woont op de Delma - doe was mien moder en doe mosn ze tuffelweidn, doar lagn ze daag in met de haandn, dat was te völ kwek en dan heurn ze altied op de Delma op dee acht beunder dann, vleegdann en heed altied n haann kreain, de hoonder keakeln, ne bel, ne bel, ne hoesbel, mö’j good begriepn, klingelingeling, ne bel, en ieder moal a’k doar kom, heur ik dee bel doar ok wier en ok dee hoonder kreain, dan zal doar wa n hoes komn, ten Coate d’r op, hoonder in n bos, de bel an t hoes, zölfde, o God, zeg he, wat he’k dee bel vrower a vaak heurd. A’k um zes uur, a’k de wichter mos roopn, gung de bel, dan mosn de wichter in hoes komn, klingelingeling, he har ne hele grote bel, he, doar ko’j zoa an trekn, klingelingeling, God, zeg he, wat heb ik dee bel a vaak heurd, mer vuur dee tied, hoo vaak zint ze nich, woar no mien hoes steet, op dat lempke anloopn ’s oavnds, net as Kleissen ok a zeg, den buurman van mie, den zeg, oh God, doar he’w zoa vaak op an loopn en a’w d’r verdomd kort biekwamn, was t aait oet. Doar koomp n hoes te stoan, doar koomp n hoes te stoan. Ik heb doar bouwd, op dezölfde stie, wat ze mie vuur de tied het anwezn, doar is mien hoes komn te stoan.

SINSAG 0487 - Vorbedeutung anderer Ereignisse.    SINSAG 0487 - Vorbedeutung anderer Ereignisse.   

Horen van geluiden en zien van een lichtje op een plek is voorloop van bouw van een huis.

Collectie Engelbertink, verslag 12, verhaal 27 (Archief Meertens Instituut)

Ten Cate    Ten Cate   

Delma    Delma   

Herman    Herman   

Geesteren    Geesteren