ENGELB_12_031

[Kl:] en doe hef den doar hef doar den oavnd n ooldn K.B. noar n dokter henmötn, ik gelöaw F. van N. vuur F.D. of wel, mer dan man is no a wa n veertig joar dood, völ lenger a, en den is d’r ok bie Herinkhave west, doar speukn t in die daagn, zeadn ze ok, t was nich almoal safe en doe per slot van rekn kwam n buurman ok, gung, wil he noar Tubbig, noar n dokter hen te voot, n stok in de haand en mer ear beedn goat ze doar hen, met een nog meer, ne buurman en goat ze noar n dokter hen, was ’s oavnds ok a in t weenter west en zee goat doar duur de laann hen, de laann hen en doe waarachtig zeet ze op n moment zeet ze ineens n witte dame doar, ne witte dame en dee koomp op ear en ok gennen bangn den K.B., den is kotns nog nen kleanzön d’r van, die met dee oet Pruusche doar, dee dat huuske doar in Albeargn wiln inbrekn en doon en ok gennen bangn, he, potdomme, dachn ie, dat ik opzied goa, ok nog nooit, dan mer tegn mekaar an, en zie zint glad vuur mekaar, mer, zeg he, goddomme, ik wördn opbuurd van de ground as t ware, mer dee dame nöast mie in t wit, die har vuurrang had; Wat was dat no, verkloar t mear. Ja at moal vertöl bie oons, t was gennen bangn en n ooldn K.B. dat was H. zien vader nog en G. en B. zien vader, n ooldn K.B., ja wanneer was den geboorn; ik har hoast zegd, misschien in 1840, in dee joarn, dat he geboorn was, mer he har bie zikzölvn dacht, doar goat zovöl verhaaln, dee doar gebuurt, wil ik toch goddomme zeen, da’k t win, afgelopen.

SINSAG 0310 - Andere Erscheinungen von Weissen Frauen    SINSAG 0310 - Andere Erscheinungen von Weissen Frauen   

Ontmoeten van witte vrouw, man die niet voor haar opzij gaat wordt opgetild.

Collectie Engelbertink, verslag 12, verhaal 31 (Archief Meertens Instituut)

Herinkhave    Herinkhave   

Albergen    Albergen   

Fleringen    Fleringen