ENGELB_12_034

Kl.H.: Dat heb ik ok metmaakt, bie oons ham n oold meanske, hef mien zuster a zeen, n oold meanske, dat doar stöarf, dat oolde meanske hef lest tied bie oons west, dat was a stokoold en doe gung ze ’s nachtns oet ber en doe zer ze, no mö’k vot, doar klopt d’r een boetn, ik mot d’r weazn, ach, T., doar is niks, goat toch gaauw wier noar ber. Joawa, zie hebt mie klopt, zie wocht op miej, ik mot d’r weazn. Affijn, oolde leu lopt d’r duur, natuurlik dat kan, helemoal normaal, mer zie wördn als mer minder, en de pastoor, ik zer, zee mos bedeend wördn. Pastoor kon d’r niks met beginn, pastoor kwam d’r an met zonnen grootn zwartn hoond bie zich, doar kwam he doe met in dee tied, de pastoor in Geestern, nen grootn zwartn hoond, den har he altied bie zich. He zit in ber, he dach, he zer, ie komt van de duvel, ik mot niks van oe hebn, goat gaauw vot, ik wil niks van oe wetn. Wie konn d’r niks met beginn en niks met beginn, het was de duvel en t bleef de duvel, almoal niks, proatn met hem, he kon d’r niks met beginn, he wol n bedeenn. Toe, zeg de pastoor, ik kom morgenvroeg wel en dan is het wel in orde. En de pastoor kwam ’s morgens wier, bedeent T.: ik wou je wel bedienen. Oh, dat is good, doar zin ik bliej van. Joa. He’j ooit zo iets metmaakt. He is bedeend en zundaagns was ze dood, ja, wat is dat dan?

SINSAG 0486 - Andere Todesvorzeichen.    SINSAG 0486 - Andere Todesvorzeichen.   

Man die buiten hoort kloppen wil daar naartoe. Als de pastoor met zijn zwarte hond komt om hem te bedienen meent hij dat hij van de duivel komt.
De volgende dag kan de pastoor hem wel bedienen.

Collectie Engelbertink, verslag 12, verhaal 34 (Archief Meertens Instituut)

D1827.1.3 - Noise warns of approaching death.    D1827.1.3 - Noise warns of approaching death.   

Geesteren    Geesteren   

Geesteren    Geesteren