ENGELB_12_035

Kleissen: Doe was ik nog nich geboorn. En wat n breurke van mie is, dat is, loa´k es kiekn n joar of acht junger as ik, of ölder as ik west, vuur mien tied was dat, ik was doe nog nich geboorn en doe ha´w bie oons ne meid H.H. v. S., doar woont d´r ok wat van in Haarbig of Geestern, in ieder geval per slot van rekn, moder was in de kökn, vrower ha´w nog nen bovnkamer an t hoes en doe hadn ze H.H. hadn ze bie oons vuur meid, dee hebt ze joarn had vuur meid, onwies best meanske en ik zeg a wa, t is n joar of wat vuur mien tied west, doe dat jeunkn dan störvn is, mien breur, en doe per slot van rekn, hadn ze H.H. vrower nog, wat zedn ze vrower ok, n kokhoes, of nee, boe neumn ze dat vrower ok n bakhoes, noar t bakhoes har ze hen west, tuffel en spul har ze kokt vuur de vearkn of zowat en doe har t ineens de boavnkamer in voln glorie zeen stoan, alles verlicht en verlecht, doe koomp t in hoes loopn en zeg, Dieka, har t zegd tegn mien moder, hes doe doar wat an had of wat hes doe doar toch in de boavnkamer had? Het was almoal veur en lecht. God, har mien moder zegd, van alns niks; kort d'rnoa har mien breurkn longontsteking, dood, en dat har doe H.H. ok almoal a zeen.
Kl.H.: En net a´j zegt, doar is gelöaf biej.

SINSAG 0486 - Andere Todesvorzeichen.    SINSAG 0486 - Andere Todesvorzeichen.   

Verlichting en vuur als voorloop van sterfgeval.

Collectie Engelbertink, verslag 12, verhaal 35 (Archief Meertens Instituut)

E530.1.6(e) - Light seen about building of person about to die.    E530.1.6(e) - Light seen about building of person about to die.   

Albergen    Albergen