Hoofdtekst
A.: Wat ik no verteln wil, is waar gebeurd,
Of he’j nog nooit van Katn-Jans heurd.
A veur n lestn oorlog leup he vaak in Rossum, Beuningn en Voalth
He gung van n een boer noa n ander, he was a oardig oald.
Dan zear he, gooddag he’j nog katn?
Nich van t vearkn, he kreeg bie de meestn wat los.
He was ok te oold um wat te wearkn.
Es moal kwam ik bie Brewink n weenkel oet noa boetn.
Doar leup Jans ok weer, he har mangs kloomp met nen kapotn snoetn.
Doe schreeuwn he mie noa, ik was a op de fiets,
He’j nog katn? Dan breng ze mer bie Sanderman.
Ik verstun, of ie nog karsn hadn,
Ik zer doarop, zee bint nog nich riep.
Woar he zoo kwam, kreag he koffie, met n strumke etn en dan wol he zien agosie op n stool of op de toafel zetn, mer as ounze hound dat zag, dee begun har te blafn
en dee kö’j doar ok nich good veur bestrafn.
Ok neumn ze hem Marcus, he was wied en zied bie de boern bekeand, dat ha’k edacht. Bie Bos en Sanderman hef he vaak ok n nacht duurbrach.
Noa de keark henloopn deer he trouw iedere dag, al har he katn in n zak.
Dee he van de ande met har brach.
Een buukn op n ruw, nen ander in n zekske an zienn stok of an de haand. dan gung he an t oetpakn en zetn n de pekkes en n zakdook en nog meer op de baank.
As he te communie gung, dan leer he de kloomp in de baank stoan.
En zo bleef Katn-Marcus joarn bestoan.
Har he wa es mangs völ jonge ketkes bie mekaar
noa ik heurd heb, dan deer he vaak raar.
Bie Oarnman in Tilgt in n groot bos
leut he de aarme poesjes los.
Ie wet wa, dat schooljongs hem vaak ploagn en dan lachn ze hem oet.
En dan wör Jans kwoad, dan leup he met n stok op eer an.
En de jongs wusn zik gen road.
Op gewijde eerde is noa zien doad Jans in Rossum begraavn.
He dear anders gen kwoad, het was ok nog wa nen braavn.
---------------------------------------
A.: Ie konn oar ja nich good in levn blievn
H.E.: Ik deank, a’j bedoelt, doar bie Zutphen.
A.: Joa dee kaant oet.
Of he’j nog nooit van Katn-Jans heurd.
A veur n lestn oorlog leup he vaak in Rossum, Beuningn en Voalth
He gung van n een boer noa n ander, he was a oardig oald.
Dan zear he, gooddag he’j nog katn?
Nich van t vearkn, he kreeg bie de meestn wat los.
He was ok te oold um wat te wearkn.
Es moal kwam ik bie Brewink n weenkel oet noa boetn.
Doar leup Jans ok weer, he har mangs kloomp met nen kapotn snoetn.
Doe schreeuwn he mie noa, ik was a op de fiets,
He’j nog katn? Dan breng ze mer bie Sanderman.
Ik verstun, of ie nog karsn hadn,
Ik zer doarop, zee bint nog nich riep.
Woar he zoo kwam, kreag he koffie, met n strumke etn en dan wol he zien agosie op n stool of op de toafel zetn, mer as ounze hound dat zag, dee begun har te blafn
en dee kö’j doar ok nich good veur bestrafn.
Ok neumn ze hem Marcus, he was wied en zied bie de boern bekeand, dat ha’k edacht. Bie Bos en Sanderman hef he vaak ok n nacht duurbrach.
Noa de keark henloopn deer he trouw iedere dag, al har he katn in n zak.
Dee he van de ande met har brach.
Een buukn op n ruw, nen ander in n zekske an zienn stok of an de haand. dan gung he an t oetpakn en zetn n de pekkes en n zakdook en nog meer op de baank.
As he te communie gung, dan leer he de kloomp in de baank stoan.
En zo bleef Katn-Marcus joarn bestoan.
Har he wa es mangs völ jonge ketkes bie mekaar
noa ik heurd heb, dan deer he vaak raar.
Bie Oarnman in Tilgt in n groot bos
leut he de aarme poesjes los.
Ie wet wa, dat schooljongs hem vaak ploagn en dan lachn ze hem oet.
En dan wör Jans kwoad, dan leup he met n stok op eer an.
En de jongs wusn zik gen road.
Op gewijde eerde is noa zien doad Jans in Rossum begraavn.
He dear anders gen kwoad, het was ok nog wa nen braavn.
---------------------------------------
A.: Ie konn oar ja nich good in levn blievn
H.E.: Ik deank, a’j bedoelt, doar bie Zutphen.
A.: Joa dee kaant oet.
Beschrijving
Een gedicht over de landloper Katten-Jans, die katten verzamelt en ze dan vrijlaat.
Bron
Collectie Engelbertink, verslag 14, verhaal 6
Naam Overig in Tekst
Katten-Jans   
Brewink   
Sanderman   
Katten-Marcus   
Bos   
Oornman   
Naam Locatie in Tekst
Zutphen   
Rossum   
Beuningen   
Volthe   
Tilligte