ENGELB_18_022

Wit: Woar is dat gebuurd. Oons hoes was nog nich verkof en oonze groond en doe, zeg dan mer, braandn doarginder n lechtke, aait n lechtke en doar ha'w aait nen grootn mesthoop stoan, wee'j wa, zukke böam met twee peer veurn der tegn op en dan der wier of en dat mos dan al op t laand, doar mos ruumt vuur weazn. No en wat is no t geval? Doe oons plaats verkoft is, doe har oons Jens zovöl ceantn stiekum in n tuk, umdat dat toch almoal nich meer recht was, at ze nich noar vaar lostern, dan kondn ze almoal, doe ko'j ok nich meer boern, a'j wat buurt en n ander holdt t in n tuk, dan hol ie nich wat, doe har oons Jens zovöl geald in n tuk, dat hee ne boerderiej van oonze boerderiej - ja doar zatn der wa veer an - kon ofkoopn en dee laamp hebt wij a tien viefteen joar eerder zeen braandn, dan wusn ie nich wat en dan warn alle leu noar ber, we'j wa dan warn alle leu noar ber, dee der dan achter wonn, a'j dachn dat is den zien laamp of den zien laamp en dan kwam n ander wier boetn en zeg, mie duch, dat is den zien laamp, en n eenn zer zoa en n ander zer zoa, loatn brandn, loat net wezn wat wil. Mer toe Jens t hoes kloar har, doe was de laamp precies op dee stie. He hef der wa eerder brand. A'j t zeen kondn, vuur degene dee t zeen zol, t is net der noar, n een zöt en n aander zöt t nich. Dat is ok nich altied netzölfde. A'j der met twaalfn stoat hen kiekn, dat alle twaalfn t zeet.

SINSAG 0487 - Vorbedeutung anderer Ereignisse.    SINSAG 0487 - Vorbedeutung anderer Ereignisse.   

Er wordt een licht op een plaats gezien lang voordat er een huis is gebouwd.

Collectie Engelbertink, verslag 18, verhaal 22

Jens    Jens