YPFOE148a - Piter Poeske

Piter Poeske
De ferhalen oer Piter Poes—Piter Prikke seinen se ek wol—ha wy meast heard fan heit en pake. It wie in duvelbanner hjir op Sumarreheide. De meastepart minsken op Sumarreheide wienen ôfgryslik bygelovich. As der wat net doogde, dan waard Piter Poeske al gau ophelle. It is by ús ek wol bard, dat se de kessens fan 't bêd skuorden om te sjen, oft der in krânse yn siet.
Der húsmannen twa soannen by Piter Poes, dy hienen nei de Oast west, nei Indië. Se koenen it hjir net hurde. Simmerdei sieten se noch mei de jas oan by de kachel.
It is in kear foarfallen op Burgerheide. Dêr wie in famke, dat doogde net. It wie betsjoend. Dokter koe der neat mei wurde en de âlden wienen har rie te'n ein. Doe seinen de buorlju tsjin 'e heit: 'Dû moatst mar even nei Piter Poeske ta, yn Garyp'. Dêr reizge de man hinne en Piter sei: 'Ik sil wol even komme en ûndersykje it famke, want ik moat har earst sjen'.
Mar ja, Piter wie al âld; hoe moast er op Burgerheide komme? De tram ried doe noch net. Hy sei: 'Ik moat mar even by Steffen Prûk sjen, oft dy my der ek hinne bringe kin, want it is in hiel ein nei Burgerheide ta'. Steffen Prûk (de echte fan wie Procee) wenne in eintsje ferder op. Dy hie in hûnekarre, hy sutele by de streek.
Steffen Prûk ried mei him hinne. Se kamen op Burgerheide en Piter sei: 'Sjoch, hja is hielendal betsjoend. Dat helje de boel mar út'. Hja hellen de krânsen út it kessen. 'En wa docht dat? Dat is no krekt de knoop'. Ja, wa die dat? Dêr gong it om. Doe joech Piter syn rie: 'De earste de bêste dy't hjir binnendoar komt, sa gau as wy ôfstutsen binne, dy moatte jim in pôt mei trochgong om 'e holle smite'.
Steffen Prûk stapte op 'e hûnekarre en Piter Poeske stapte ek op 'e hûnekarre en dêr gong it spul hinne. Se wienen in eintsje fuort, doe sei Piter: 'Jonge, no is 't net bêst—ik ha myn pipe dêr lizze litten. Wy moatte dy pipe even wer ophelje'.
Se rieden werom. Piter Poeske stapte dêr yn 'e hûs—en mei krige er in potfol trochgong om 'e holle.

TM 3109 - Heksenkrans in kussen    TM 3109 - Heksenkrans in kussen   

Piter Poes is een duivelbanner. Zijn hulp wordt vaak gevraagd bij betoverde mensen. Zo ook bij een meisje op Burgerheide. Piter haalt een aantal kransen uit het kussen van het meisje. Verder geeft hij de raad om de eerste persoon die na zijn vertrek binnenkomt een pot met ontlasting naar het hoofd te gooien. Piter Poes vertrekt en is al een eindje op weg naar huis, wanneer hij zich herinnert dat hij zijn pijp heeft laten liggen. Hij keert terug en zodra hij de deur binnenkomt krijgt hij de pot met ontlasting naar zijn hoofd.

Y.Poortinga: De foet fan de reinbôge. Fryske Folksferhalen. Baarn (etc.) 1979, p. 154

19 oktober 1978

Verhaal verteld samen met Tamme H. Hooijenga.

Heksenkrans in kussen

Piter Poes    Piter Poes   

Piter Prikke    Piter Prikke   

Oast [Oost]    Oast [Oost]   

Steffen Prûk    Steffen Prûk   

Procee    Procee   

Sumarreheide    Sumarreheide   

Indë    Indë   

Burgerheide    Burgerheide   

Garyp [Garijp]    Garyp [Garijp]   

2013-03-01 14:46:20