BIJLSMA000905

Yn 'e bakkerij to Poppenwier wenne yn it forline, doe't dêr noch gjin púndiken wiene, in bakker Kingma. Dy hie in feint dy't tige opsprekke koe. Op in joun siet er ris op 'e Dille yn 'e herberch en die wer in steil wurd. Hy swetste: ik bin foar de duvel net bang. Doe't er de jouns let it binnenpaed fan de Dille nei Poppenwier roun, kaem der immen efter him oan en hy koe him net ûntrinne, al hoe't er de sokken der ek ynsette. It wie Hantsje Pik dy't him op 'e hakken siet.
Dweiltrochwiet fan swit kaem de feint to Poppenwier oan. Doe't er oan 'e baktrôch stie, hied er net folle to sizzen en wie frijhwat bilutsen. De baes sei: hwat skeelt dy, bist net by de tiid?
Doe forhelle de feint hoe't de kweade him efternei sitten hie. De baes sei: dat hast nou fan dyn swetserij. Gean nei de pastoar fan Jirnsum, dy sil dy foar fierder lêst biwarje."
De feint die dat, en as penitinsje krige er fan de pastoar to hâlden: twa nachten in pear kear om it tsjerkhôf rinne.
Nei dy tiid paste de feint better op syn wurden.

SINSAG 0945 - Andere Begegnungen mit dem Teufel.    SINSAG 0945 - Andere Begegnungen mit dem Teufel.   

SINSAG 0917 - Teufel (in Tiergestalt) erschreckt Sünder (Fluchende, Holzdiebe, Sonntagsschänder oder Spötter).    SINSAG 0917 - Teufel (in Tiergestalt) erschreckt Sünder (Fluchende, Holzdiebe, Sonntagsschänder oder Spötter).   

Jongen die opschept dat hij niet bang is voor de duivel wordt onderweg achtervolgd door de kwade. Hij gaat naar de pastoor, die hem opdraagt twee nachten een paar keer rond het kerkhof te lopen.

Collectie Bijlsma, verslag 9, verhaal 5 (Archief Meertens Instituut)

Kingma    Kingma   

Dille    Dille   

Hantsje Pik    Hantsje Pik   

Jirnsum    Jirnsum   

Poppenwier    Poppenwier   

Irnsum    Irnsum   

Poppenwier    Poppenwier