BIJLSMA004302

Jouke Ligthart fan Sibrandabuorren gie sa winters wol mei in maet, dy't op de Offenwierstersyl wenne, to spyljen as der dounsjen wie yn 'e iisherbergen. Sa kamen se ek ris to Skearnegoutum, dêr't it der nochal hwat roerich omwei gyng. Der waerd gâns drank brûkt en it jongfolk waerd oerdwealsk en ek de spyllju waerden ryklik traktearre. Optlêst roun it sa heech dat men woe ha dat de spyllju soene it "Onze Vader" op 'e fioele spylje. De man fan Offenwier die it ek.
De jouns let sette er op Offenwierstersyl ta. Hy moast in stik lân troch om thús to kommen. De boeren dêromhinne hearden him doe alderôfgryslikst kjirmjen, gûlen en oangean. Se tochten wy moatte derhinne, mar hja koene der net oergear komme; se doarsten net.
De oare moarns founen se de man dêr dea yn 'e greppel. Hy hie mei de duvel fochten en dy hie him de nekke omdraeid.

SINSAG 0922 - Teufel bricht Sünder das Genick.    SINSAG 0922 - Teufel bricht Sünder das Genick.   

Speelman laat zich verleiden om het Onze Vader op zijn viool te spelen. Op weg naar huis vecht hij met de duivel die hem de nek omdraait.

Collectie Bijlsma, verslag 43, verhaal 2 (Archief Meertens Instituut)

Jouke Ligthart    Jouke Ligthart   

Offenwierstersyl    Offenwierstersyl   

Onze Vader    Onze Vader   

Sibrandabuorren    Sibrandabuorren   

Sijbrandaburen    Sijbrandaburen   

Skearnegoutum    Skearnegoutum   

Scharnegoutum    Scharnegoutum   

Offenwier    Offenwier   

Offingawier    Offingawier   

Scharnegoutum    Scharnegoutum