BIJLSMA006102

Tusken de Jouwer en Skarsterbrêge leit de Roazebosk, dat eartiids ek wol de Liemdobben neamd waerd. Men hoecht dêr net djip to dollen dan hat men al in liemlaech.
It wie dêr eartiids, doe 't der noch gjin forhurde diken wiene, de weinen djippe spoaren loeken troch de sânwegen en ek de fuotpaden hjerstmis en by 't winter min to bigean wiene, in iensume krite. Op 'e hoeke fan de Skien stiet in pleats, dy ’t ieuwen troch de famylje Holtrop bibuorke is. Dy pleats neamde men foarhinne it "Skienshûs". It wie it iennichste hûs dêr.
It sil sa 'n pear hûndert jier lyn wêze, dat der op in iere moarn in ploechje manlju it fuotpaed delkamen. It wiene in heit en twa soannen en in jonge man. Lêstneamde seach derút as immen, dy 't fan goed komôf wie. Dat koe men destiids noch al gau sjen, en dat wie de trije oaren ek opfallen. Ek hie men sjoen, dat de jongfeint in swier gouden horloazje hie, dat grif gâns weardich wie.
Doe 't hja by de Liemdobben wiene, ûnderhelle de heit de iken kneppel, dy 't er as gongelstôk brûkte, en sloech de jongkeardel op 'e holle, dat dy opslach dea delfoel. It horloazje en hwat er mear fan wearde by him hie waerd him ôfnommen. It lyk waerd ûnder hwat rûchte en strewelleguod bidobbe. Letter waerd it lyk foun, mar hoe 't de pelysje ek sneupte, men koe de dieder net fine.
Folle letter rounen de beide jonges ris troch de Haske. It wie yn maert en in pear katten stjitten rare lûden út. De iene jonge sei: "Hark, dat is krekt sa 'n jammerjend lûd, as dat fan dy jongfeint, doe 't heit him op 'e holle sloech". "Hâld de bek, jonge", sei de oare, "in oar kin it wol hearre
In oar hie it heard, en sa kaem de moard út. De moardner kaem foar it rjocht, en letter waerd er to Ljouwert ophongen.
De moardner waerd yn dizze omkriten Babeloeres neamd, en troch it forhael is hy in legendaryske figuer wurden.

Dader van moord blijft onvindbaar. Later merkt één van de zoons op dat een kat op dezelfde manier jammert als de vermoorde. Iemand hoort dat, waardoor de dader bekend wordt.

Collectie Bijlsma, verslag 61, verhaal 2 (Archief Meertens Instituut)

Roazebosk    Roazebosk   

Rozenbos    Rozenbos   

Liemdobben    Liemdobben   

Skien    Skien   

Holtrop    Holtrop   

Skienshûs    Skienshûs   

Scheen    Scheen   

Babeloeres    Babeloeres   

Jouwer    Jouwer   

Joure    Joure   

Skarsterbrêge    Skarsterbrêge   

Scharsterbrug    Scharsterbrug   

Ljouwert    Ljouwert   

Leeuwarden    Leeuwarden   

Joure    Joure