HOOCH03 - HOE ULESPIEGHEL OP EENEN DACH ALLE DIE SIECKEN GHENAS, DIE TE NORENBURCH INT GASTHUYS WAREN.

HOE ULESPIEGHEL OP EENEN DACH ALLE DIE SIECKEN GHENAS, DIE TE NORENBURCH INT GASTHUYS WAREN.
Ulespiegel quam op een tijt te Norenburch ende hy sloech brieven op
die kercdoren ende op der heeren buys, ende gaf hem wt voor een groot
medecijn meester, die alle crancken genesen conde. Doe waren int nieuwe
gasthuys daer die speyre ons heeren is met meer andere reliquien een
deel siecken, daermen men seer mede verladen was. So quam de gasthuys
meester tot Ulespiegel, want hi zijn brieven gelesen hadde, ende vraechde
hem oft hy wel siecke lieden ghehelpen conde hy soude wel geloont
warden: doe seyde Ulespiegel. Wildy mi twee hondert gulden geven ick
sal u crancken genesen, ende ick en wil gheen ghelt hebben ten si dat
eerst alle die siecken genesen ende wten gasthuyse zijn. Dit beliefde den
gasthuys meester seer wel, ende hy gaf hem wat gelts op die hant: doen
quam Ulenspiegel int gasthuys met twee knechten achter hem ende hy
vraechde elcken siecken by sender, wat crancheyt dat hy hadde. Ende
een yeghelijck moeste hem sweeren by sinen eedt dat hy niemant openbaren
en soude die woorden die hy hen lieden segghen soude, dwelck sy
also deden. Doen seyde Ulespieghel. Soude ic u alien gesont maken dat
is my onmogelijc om doen, ic en moeste eerst een van u alien te pulver
verbranden, ende van dat pulver moet ic eenen dranc maken, ende daer
af meet ic alle dander ziecken te drincken gheven met meer ander medecijnen,
ende soo wie dan crancste is, ende niet ghegaen en can dien sal ic
verbranden, ende nu in woonsdaghe sal ic hier comen, ende ic sal in die
poorte staen biden gasthuys meester, ende ic sal roepen. Sco wie niet
sleek en is die come haesteliken hier wt ende niemant en verslape hem,
wandt die laetste van u lieden moet tgelach betalen. Doen den dach quam
elc siecke was in roeren, deen sette zijn crucken gereet die ander was
gecleet, die derde was vanden bedde om dat niemant daer en wilde
blijven. Als nu den ghesetten dach ghecomen was soo quam Ulespieghel
daer, ende hy begonst te roepen, ende doen begonsten alle die siecken
wech te loopen, iae die in thien iaren van haren bedde niet gheweest en
hadden. Als nu alle die siecken wten gasthuys gheloopen waren, soo
begeerde Ulespieghel zijn gelt, dwelck men hem gaf, ende vertrac terstont
wech. Maer alst drie daghen gheleden was, soo quamen alle die
siecken weder ten gasthuyse waert, ende claechden haer siecten. Doen
seyde die gasthuys meester. Hoe comet dit: ic heb den meester groot
ghelt ghegeven, om dat hy u geholpen ende gaende ghemaect hadde.
Doen seyden die siecken, hy hadde ons ghedreycht, ende gheseyt, soo
wie int bedde blijft liggen als ic roepen sal, dien sal ic verbranden te
pulver, ende met dat pulver wilde hy die ander ghenesen. Doen verstont
die gasthuys meester dat hi bedrogen was, ende hy en conde daer niet
meer toe ghedoen, ende die crancken bleuen soo sy te voren waren, ende
si werden onghewillichlijck wederom int gasthuys genomen.

VDK 1635* 03 - Eulenspiegel's Tricks. 3: Ongeneeslijk zieke patiënten genezen.    VDK 1635* 03 - Eulenspiegel's Tricks. 3: Ongeneeslijk zieke patiënten genezen.   

VDK 1635* - Eulenspiegel's Tricks    VDK 1635* - Eulenspiegel's Tricks   

ATU 1635* - Eulenspiegel’s Tricks    ATU 1635* - Eulenspiegel’s Tricks   

AT 1635* - Eulenspiegel's Tricks    AT 1635* - Eulenspiegel's Tricks   

Uilenspiegel doet zich voor als een groot geneesheer en belooft iedereen in het gasthuis te genezen. Eigenlijk bedreigt hij alle patiënten. De laatste achterblijver zal hij tot pulver verbranden voor een medicijn voor de rest. Op de bewuste dag slaan alle zieken angstig op de vlucht, en Uilenspiegel krijgt betaald voor zijn genezingen. Een paar dagen later keren echter alle zieken weer terug.

Van Ulenspieghels Leuen. Uitgegeven door Michiel Hillen van Hoogstraten in Antwerpen, ergens tussen 1525 en 1546.

Tijl Uilenspiegel    Tijl Uilenspiegel   

Neurenberg    Neurenberg