HOOCH02 - HOE ULESPIEGEL WILDE VLIEGEN.

HOE ULESPIEGEL WILDE VLIEGEN.
Om dat Ulespieghel veel wonders bedreef so wert sinen naem wel
bekent ende hi quam tot Meyborch daer hem gebeden wert dat hi wat
vreemts wilde doen, ende hi seyde dat hi woude gaen opt opperste
vander heeren huys ende daer wilde hi af vlieghen. Ende dit vernam alle
tvolck vander stadt ende elc quam ter merct. Ende Ulespiegel stont opter
heeren huys ende verruerde hem met sinen armen ende hi ghebaerde
recht oft hi vlieghen wilde ende dat ghemeen volc sach al toe. Ten
laetsten als dat volc vergadert was wert hi lachende ende seyde. Ic meende
datter gheen sotten meer en waren dan ic, maer hier isser een stadt
vol, want haddi alle geseyt dat ghi ghevloghen soudt hebben ic en haddes
niet gelooft. Ende u geloofdi eenen sot alleen segghende dat hi vlieghen
can dat onmogelijc is, want ic heb gheen vlogelen ende niemant en can
sender vloghelen vlieghen, ende Ulespieghel liep van daer ende liet dat
volck staen. Doe scheyde dat volc van malcanderen, deen vloecte hem,
dander lachte, ende seyden, tis een scalck sot want hi seyt die waerheyt.

VDK 1635* 02 - Eulenspiegel's Tricks. 2: Ulespegel zal vliegen.    VDK 1635* 02 - Eulenspiegel's Tricks. 2: Ulespegel zal vliegen.   

VDK 1635* - Eulenspiegel's Tricks    VDK 1635* - Eulenspiegel's Tricks   

ATU 1635* - Eulenspiegel’s Tricks    ATU 1635* - Eulenspiegel’s Tricks   

AT 1635* - Eulenspiegel's Tricks    AT 1635* - Eulenspiegel's Tricks   

Uilenspiegel verkondigt in een stad dat hij zal vliegen. Veel mensen komen kijken als hij op een dak staat, maar Uilenspiegel lacht hen uit: jullie zijn nog gekker dan ik. Mensen kunnen helemaal niet vliegen.

Van Ulenspieghels Leuen. Uitgegeven door Michiel Hillen van Hoogstraten in Antwerpen, ergens tussen 1525 en 1546.

Tijl Uilenspiegel    Tijl Uilenspiegel   

Maagdenburg    Maagdenburg