MESC0152_0152_15169 - Horloge op Sint-Janskerk

J’ed toen oek nog de legende van Sient-Janskerke. Op Sient-Janskerke, j’oort dat nu nog, nateurlik, - up olle tweeje d’ander kerk’n zien der orlog’n, up Sient-Janskerke zien der geen horlog’n, ên me wieder noois gin ezien, ên uz’oeders nooit gin ezien, en ulder oeders oek nieje. En ott’n toen evraogd wos waorom dan d’r up Sient-Janskerke geen orlog’n zien, is ’t omdat er ier van ze lev’ns, in Pop’rieng, e vent ontoofd ewist ed, die onschuldig wos. En dien vent zei: “’k Zien oenschuldig”! Nateurlik, e kuste z’n oenschuld nieje volledig bewiez’n, of z’ên anvèrd’n z’n oenschuld nieje, en e zei: “Ewel, o zo zeker of danke onschuldig zien”, zei t’n, “je meug mien ontoofd’n, mao gaot er nooit gin orloge meeje gaon up Sient-Janskerke”! En z’ên verschillige keers eprobeerd; maor ieder keeje dan die orlog’n dao waor’n, an de kerke, viel’n die orlog’n af. En z’ên ’t toen nooit meeje eprobeerd. En ’t is datte, da ’t nooit meeje eprobeerd ewist ed, en nooit gin orlog’n meeje ewist ên up Sient-Janskerke. Dat is eigentlik d’n uutleg waorom dan d’r gin orlog’n zien up Sient-Janskerke.

Aan de toren van de Sint-Janskerk in Poperinge heeft nooit een klok gehangen. In Poperinge werd ooit een man onthoofd die beweerde dat hij onschuldig was. De laatste woorden van die man waren: "Als jullie niet geloven in mijn onschuld, onthoofd mij dan maar. Maar op de toren van de Sint-Janskerk zal nooit een klok hangen!" Men heeft meermaals geprobeerd een klok op de toren te hangen, maar die viel er telkens af.

M. Deschrijver, Gent, 1961

6. Sagen - Sprookjes

west-vlaams (poperinge en omstreken)

327

fabulaat

Sint-Janskerk (Poperinge)    Sint-Janskerk (Poperinge)   

Poperinge    Poperinge   

Poperinge    Poperinge