STOP0320_0321_20677

‘k En ik nog geweund toe Stragiers in Rumbeke an de stosche. Dat wos ol gebeurd mor dat wos nog niet uutgekommen. En ’t is uutgekommen up Sinte-Anna. En z’èn dor ingebroken de zaterdagavond, e bitje voor de zeven. Z’had twee hoenden. Mor dien avond, de klenen zat in huus en de groten liep buten. De groten begoste ezo te bassen, en de klenen zat in zijn mandige oender de stove. Dat wos e bitje voor de zeven. Mor ommèkeer die klenen kwam ook zo kolerig datten bijkans beet in madames been. Bertha, de morte, zegt: "Ik gon gon kijken want ’t is etwot gangs." Ze stoend zij in ’t gangschge. Bertha gaat over die koer nor die achterpoorte gon kijken want ze stoend open. En ze wos bij heur kop gegrepen van de twee Pollets, Gruwaert van Poperinge bijgenaamd Lapaert, en Deroojge. Die drie andre èn de kop ofgedon geweest. Zo Bertha wos gepakt en Deroojge zat met zijn duum in heur moend en ze beet zij dat ze twee tanden kwijt wos en datten lange e zere duum hèt et. Madame stoend in dat gangschge mor z’had zij ol heur avondkleed an en ze roept: "Is’t van Vannestens hoend?" Mor van o dat ze dat riep, Pollet stekte heur vast. Dat wos e gildig zwor vromens die heur verweerde en den derde keer zeiten: "Roer je nog, ‘k schiete" en je stoend met e revolver voor heur. Binst dat ze zij worstelde, passeerde Soentje, ’t boojge (postbode). ’t Boojge hoorde dadde dat Bertha schruwelde enne riep nor de stosche, nor de piochers (werkers met een houweel), (’t werkvolk van de stosche): "Zere nor Stragiers! ’t Gebeurt etwodde!" Zo ze kwamen zieder gelopen enee. Die de wacht stoend, Gruwaert van Poperinge, riep: "’t Is geen tijd meer!" en ze sproengen zieder weg. Dat e mor vuuf minuten gedeurd. En had Soentje niet gepasseerd, ze kosten zieder ook dood geweest èn. Den trein kwam ton in van te zeven. Je ku gon peinzen wuk dat dat volk dei o z’hoorden wuk dat er gebeurd wos. En den dokteur Boucquet van Rumbeke wos ook met den trein. Bertha die heur stief geweerd hadde, had e gat in heur hoofd van de kossiestenen. En j’e dat moeten toenaaien. Z’èn toen gezocht, bijkans heel de nacht achter dat volk, mor ze woren ol weg met den trein van te zevenenholf nor Vrankrijk uut Roeselare. Dat wos madame Pollet die kwam achter inlichtingen toe Stragiers. Ze kwam dor heur nichte bezoeken. Ze wiste met hoevele dat ze woren. En ze vroeg toen nog e bitje inlichtingen an Baschge, de baas van d’herberge "In 1900", dor voor de stosche.

SINSAG 1320 - Andere Räubergeschichten.    SINSAG 1320 - Andere Räubergeschichten.   

Op een zaterdagavond pleegde de bende van Pollet om iets vóór zeven een inbraak in een huis in Roeselare waar men twee honden had. Gealarmeerd door de onrust van de honden besloot de meid een kijkje te nemen. In de gang werd ze bij het hoofd gegepen door twee rovers. De rover hield zijn duim in haar mond opdat ze niet zou schreeuwen. De meid beet in de duim, waardoor ze twee tanden verloor. Omdat de meid nog niet terug was, kwam de vrouw des huizes ook naar buiten. Ook zij werd vastgegrepen en bedreigd met een revolver. Op dat ogenblik kwam de postbode voorbij. Hij hoorde dat er iets aan de hand was en haastte zich naar het station, waar hij de werkers met hun houwelen ging halen. De rover die de wacht hield, zag de werkers aankomen en gaf het signaal om te vluchten. De rovers liepen weg en namen de trein van half acht naar Frankrijk. Als de postbode niet was langsgekomen, zouden de twee vrouwen wellicht dood zijn geweest. De meid had een gat in haar hoofd, dat moest gehecht worden.
Vóór de inbraak was de vrouw van Pollet op bezoek geweest om te weten te komen met hoeveel mensen in dat huis woonden.

S. Top, Leuven, 1964

4. Historische sagen

west-vlaams (vrijbos)

193A

memoraat

Pollet
Lapaert
Deroojge
Gruwaert

Pollet (bende van)    Pollet (bende van)   

bende van Pollet    bende van Pollet   

Hooglede    Hooglede