MNIJS0102_0103_19078

Me voadere, da was oltend ip e zoaterdagavend of en zoaterdagnacht, die azo achter stroaten liepen, dat er aan twi stroaten e brokke verlaten groend was – ’t woaren ton meer brokken groend of nu ee – en d’heksen vierden do de sabbat. Z’aan zieder dor e kasteel, ze dansten dorin en z’aan zieder maziek en de joenge menschen die passeerden, wierden gepakt en moesten meedansen, en da deurde toe ’s nuchtens azo, toe dat ’t kloar was. En die menschen woaren nateurlik stokkedoad, en bleven do liggen ip ’t laand. En u de menschen were passeerden, ’t was ol were ommegploegd en opengestampt van te dansen. Mo die menschen lagen do nog steendoad en d’heksen woaren weg.En da gebeurde e kir hier, en da gebeurde e ki do, dawas oltend ip e verschillige plekke. Dat è zelfs nog gebeurd, u j’over de travèrs (overweg) ziet, en de courbe (bocht). Da was ton e hele blote plekke, woa dan die huzen do nu stoan ee. Me voader è da verteld ee, dan ze dor ook nog gedanst èn. ’t Stoend dor e heel kasteel, da’s e schienkasteel ee.

Op zaterdagavond en zaterdagnacht vierden de heksen hun sabbat op verlaten weilanden. De heksen bezaten ook een kasteel waarin ze dansten en muziek maakten. Voorbijgangers werden vaak door de heksen naar binnen gelokt en moesten meedansen tot de dageraad aanbrak. Die mensen bleven dan doodmoe liggen op het land, dat helemaal was omgeploegd door het dansen. Bij de overweg aan de bocht in Gistel was zo'n plaats waar het gras helemaal was weggedanst.

M.-R. Nijsters, Leuven, 1969

2.1 Heksen

west-vlaams (nw van houtland)

37.14

Vader van de informant

fabulaat

Gistel    Gistel   

Gistel    Gistel