PVAND0290_0290_27043 - "'k Komme van Canegem en 'k wete van niet"

Da was azo: De paster van Canegem wierd vermoord en de gendarms zochten achter den dader. En z’hadden ne verkeerden angehouden. Da was ne boereknecht die tevele dronk en je wierd afgedankt en je pakte z’n boeltje ip z’n schoere en je trok d’r van deure, en je lei hem te slapen aan de gerskant (graskant). De werkelijke moordenaar passeert an die weg en je ziet die vent liggen slapen en je steekt z’n mes met bloed an in ’t pakske van die vent die ligt te slapen. De gendarms passeerden en z’onderzoeken hem en ze vinden da mes in da pakske. Ze pakten hem vaste en ze doen hem mee als moordenaar van de paster van Canegem. En je zei: "O, is de paster van Canegem vermoord, en ‘k komme ‘k ik van Canegem en ‘k wete van niet." En ze doen hem naar Tielt naar ’t gerecht en je wierd ter dood veroordeeld en ip de markt van Tielt terechtgesteld en voor dat ie stierf zei t’ie nog ne keer: "’k Komme ‘k ik van Canegem en ‘k wete van niet." En die spreuke is ton gebleven. En je zei dat ie ging gelijk hèn want dat de rechter ging sterven ip de plekke waar da z’hem terechtgesteld hèn en volgens da ze zeggen is die rechter daar waarlijk ip de markt van Tielt gestorven in een balspel. En ’t was daar een ronde steens en in ’t midden was t’er ne witte steen en da was daar dat de rechter gestorven was.

De pastoor van Canegem was vermoord.
Een boerenknecht die veel dronk, werd ontslagen. De knecht nam zijn boeltje op zijn schouder en ging ervandoor. Toen de knecht langs de weg in het gras lag te slapen, kwam de moordenaar van de pastoor daar voorbij en stak zijn bebloed mes in het pakje van de knecht. Kort daarop werd de knecht door de politie opgepakt voor de moord op de pastoor. Daarop zei de knecht: "O, is de pastoor van Canegem vermoord? Ik kom van Canegem en ik weet van niets". De knecht werd naar Tielt gebracht en terechtgesteld op de markt. Vlak vóór zijn dood zei de knecht nog een keer: "Ik kom van Canegem en ik weet van niets". De knecht voorspelde dat de rechter die hem ter dood had veroordeeld, op de markt van Tielt zou sterven. Dat gebeurde ook.

P. Vandewalle, Leuven, 1968

4. Historische sagen

west-vlaams (o van houtland)

571

fabulaat

Wingene    Wingene   

Tielt    Tielt   

Canegem    Canegem